Time in Phnom Penh 
នឿយមុនស្រណុកក្រោយ។https://youtu.be/0isQnjhmeqU
ប្រសិនជាពុកម៉ែបងប្អូនចង់ផ្សព្វផ្សាយផលិតផល អាចទំនាក់ទំនងបានតាមរយៈ Facebook
:
អ្វីទាំអស់គឺល្អសម្រាប់ខ្ញុំ
ពិភពនៃជីវិត
This is default featured slide 2 title
Go to Blogger edit html and find these sentences.Now replace these sentences with your own descriptions.
This is default featured slide 3 title
Go to Blogger edit html and find these sentences.Now replace these sentences with your own descriptions.
This is default featured slide 4 title
Go to Blogger edit html and find these sentences.Now replace these sentences with your own descriptions.
This is default featured slide 5 title
Go to Blogger edit html and find these sentences.Now replace these sentences with your own descriptions.
Friday, June 27, 2014
ប្រភពមកពីកោះសន្តិភាព
ថ្ងៃសៅរ៏ ទី២៨ ខែមិថុនា ឆ្នាំ២០១៤ ម៉ោង ០៩:៥
រាជធានីភ្នំពេញ ៖ ដើមទ្រូងប្រកបដោយសោភ័ណភាពរបស់ចរិយា ពេជ្រ ញាំុងឱ្យមានការប៉ាន់ស្មានថាវាមិនមែនធម្មជាតិ ។ ជម្មជាតិ ឬមិនមែនធម្មជាតិ តែជាក់ស្ដែង ថ្មីៗនេះតារាស្រីវ័យក្មេងនេះបានបង្ហាញសម្រស់ដើមទ្រូងរបស់នាងតាមរយៈអាវវាលបន្ដិច ។ ធម្មជាតិ ឬមិនធម្មជាតិ ឃើញសម្រស់ដើមទ្រូងរបស់ស្រីពេជ្រ ហើយពិតជាមានអ្នកសរសើរច្រើនមិនខាន ។
ចរិយា ពេជ្រ ត្រូវគេកត់សម្គាល់ឃើញថា បច្ចុប្បន្នកាន់តែសិចស៊ីជាងមុខ ។ ស្រីស្អាតនេះបានថតរូបបញ្ចេញដើមទ្រូងសិចសីុផ្សាយតាមទំព័រហ្វេសប៊ុករបស់នាង ។ មុននេះសារព័ត៌មានក្នុងស្រុកមួយចេញផ្សាយថានាងបានទៅកែដើមទ្រូងនៅទីក្រុងបាងកក ប្រទេសថៃ ដើម្បីបង្កើតការចាប់អារម្មណ៍ពីអ្នកគាំទ្ររបស់នាង តែនាងបដិសេធថា នេះជាពាក្យចចាមអារ៉ាមប៉ុណ្ណោះ ។
ជួបជាមួយកោះសន្តិភាពកាលពីពេល ថ្មីៗនេះកញ្ញា ចរិយា ពេជ្រ ប្រាប់ឲ្យដឹងថា ពេលនេះនាងសិចស៊ីជាមុនបន្តិចមែន តែនាងគិតថា ជារឿងធម្មតាប៉ុណ្ណោះ ។ បើសិនជាមានគេទាក់ទងឲ្យទៅថតរូបសិចស៊ីជាងនេះ នាងមិនហ៊ានទេ នាងហ៊ានត្រឹមតែដូចរូបភាពដែលនាងផ្សាយលើទំព័រហ្វេសប៊ុករបស់នាងប៉ុណ្ណោះ ។ ចំពោះមតិថា នាងទៅកែដើមទ្រូងនោះគឺមិនមែនជាការណ៍ពិតទេ ។
ចរិយា ពេជ្រ និយាយថា វាជារឿងធម្មតាសម្រាប់នាង ចំពោះការស្លៀកពាក់បែបសិចស៊ី តែនាងក៏មិនដែលគិតថាទាមទារការចាប់អារម្មណ៍ពីទស្សនិកជនឡើយ ។ កញ្ញាចរិយា ពេជ្រ ចុងក្រោយនេះបានចូលរួមសម្ដែងក្នុងរឿងភាគដែលត្រៀមនឹងចាក់បញ្ចាំងក្នុងពេល ឆាប់ៗនេះនៅលើកញ្ចាំងទូរទស្សន៍CTN គឺរឿង«វេរាស្នេហ៍ឆ្លងភព»ដោយនាងសម្តែងជាតួឯក ។
ក្រៅពីនេះនាងចរិយា ពេជ្រ ត្រូវផលិតកម្មនានាទាក់ទងឲ្យថតខារ៉ាអូខេ តែនាងមិនមានពេលទេ ។ ដោយឡែកនៅក្នុងខែកក្កដា ខាងមុខនាងត្រៀមថតរឿងភាគថ្មីមួយទៀត គឺរឿង«លាក់ស្នេហ៍ក្នុងបេះដូង»ដោយនាងសម្តែងជាតួឯកដែរ ។ កញ្ញាចរិយា ពេជ្រ ជាអតីតកញ្ញាឯកប្រ៊ីតស្ដុនចំណាត់ថ្នាក់លេខ២ ឆ្នាំ២០១២ ។ ក្រៅពីថតស្ប៉តពាណិជ្ជកម្មមួយចំនួន តារាស្រីដែលមានដើមកំណើតពីខេត្តកណ្ដាលម្នាក់នេះធ្លាប់ថតខ្សែភាពយន្តចំនួន៤ រឿង គឺរឿងឧត្ដមដួងចិត្ត,រាជិនីបញ្ចពណ៌, ល្បងស្នេហ៍បញ្ឆោតចិត្ត និងរឿងព្រហ្មលិខិត ។ ក្រៅពីអាជីពសិល្បៈនាងបានបើកសំអាងការជាមួយបងស្រីរបស់នាង ៕
Monday, June 2, 2014
យកប្រេងកាតបង្កាត់ភ្លើងដាំបាយ ដូចដុតខ្លួនឯងទាំងរស់
ប្រភពមកពីកោះសន្ដិភាព
ខេត្តស្វាយរៀង ៖ ស្ត្រីម្នាក់ត្រូវភ្លើងឆាបឆេះរលាកពងរលួយពីក្បាលដល់ចង្កេះ សន្លប់នៅក្នុងចង្ក្រាន ដោយសារយកប្រេងកាតមកបង្កាត់ភ្លើងដាំបាយនិងស្ល រួចយកទៅដាក់នៅលើធ្នើរពីលើចង្ក្រាន បណ្តាលឱ្យធ្លាក់ដបប្រេងកាតជិត១លីត្រចំចង្ក្រានឆាបឆេះតែម្តង ។ ហេតុការណ៍នេះកើតឡើងកាលពីវេលាម៉ោង៣និង៤០នាទីរសៀលថ្ងៃទី០២ មីថុនា នៅភូមិតាជ័យ ឃុំកំពង់ចម្លង ស្រុកស្វាយជ្រំ ។
បើតាមបុរសជាប្តីឈ្មោះ ចាន់ ឌី អាយុ២៥ឆ្នាំ ប្រាប់ឱ្យដឹងថា ស្ត្រីរងគ្រោះជាប្រពន្ធជាប្រពន្ធឈ្មោះ ប៉ែន គង់ អាយុ២៨ឆ្នាំ មានកូនស្រី១នាក់ អាយុ៩ឆ្នាំ ។ ដំបូងប្រពន្ធរបស់គាត់បានយកប្រេងកាតជិត១លីត្រ បង្កាត់ភ្លើងដើម្បីដាំបាយនិងស្ល ។ ក្រោយពីបង្កាត់ភ្លើងរួចក៏យកដបប្រេងកាតនោះដាក់លើធ្នើនៅលើចង្ក្រាន ខណៈកំពុងស្ល ស្រាប់តែដបប្រេងកាតធ្លាក់របូតឆ្នុកស្រោចប្រេងកាតមកលើក្បាលដល់ចង្កេះប្រពន្ធរបស់គាត់ បណ្តាលឱ្យឆាបឆេះយ៉ាងសន្ធោសន្ធៅប្រកាច់នៅមុខចង្ក្រានតែម្តង ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
Tuesday, May 27, 2014
សម្តេចតេជោ ហ៊ុន សែន អំពាវនាវដល់អាជ្ញាធរកម្ពុជាជាប់ព្រំដែនបន្តធ្វើទំនាក់ទំនងល្អជាមួយអាជ្ញាធរថៃ
ប្រភពមកពីកោះសន្ដិភាព
ថ្ងៃអង្គារ ទី២៧ ខែឧសភា ឆ្នាំ២០១៤ ម៉ោង ១០:៤០
ថ្ងៃអង្គារ ទី២៧ ខែឧសភា ឆ្នាំ២០១៤ ម៉ោង ១០:៤០
រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានធ្វើការអំពាវនាវដល់អាជ្ញាធរកម្ពុជាជាប់ព្រំដែនទំាងអស់ ត្រូវខិតខំទំនាក់ទំនងធម្មតាជាមួយអាជ្ញាធរថៃ មិនថារដ្ឋាភិបាលថៃជារដ្ឋាភិបាលយោធា ឬ ស៊ីវិលនោះទេ ។
សម្តេចនាយករដ្ឋមន្រ្តី ហ៊ុន សែន អំពាវនាវបែបនេះ បានធ្វើឡើងនៅព្រឹកថ្ងៃទី២៧ ឧសភា ២០១៤ ក្នុងឱកាសដែលសម្តេចបានអញ្ជើញជាអធិបតីចែកសញ្ញាបត្រជូនដល់ជ័យលាភីនិស្សិតនៃសាកលវិទ្យាភូមិន្ទភ្នំពេញ នៅមជ្ឈមណ្ឌលកោះពេជ្រ ក្នុងរាជធានីភ្នំពេញ ។
ព័ត៌មានលម្អិត នឹងមានផ្សាយជូននៅលើសារព័ត៌មានកោះសន្តិភាព ៕
សម្តេចតេជោ ហ៊ុន សែន ៖ កម្ពុជាមិនលូកដៃចូលកិច្ចការផ្ទៃក្នុងថៃ ហើយក៏មិនមែនជាទីតំាងបង្កើតរដ្ឋាភិបាលនិរទេសនោះទេ
ប្រភពមកពីកោះសន្ដិភាព
ថ្ងៃអង្គារ ទី២៧ ខែឧសភា ឆ្នាំ២០១៤ ម៉ោង ១០:១៩
ថ្ងៃអង្គារ ទី២៧ ខែឧសភា ឆ្នាំ២០១៤ ម៉ោង ១០:១៩
រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានបញ្ជាក់ពីជំហររបស់រាជរដ្ឋាភិបាលកម្ពុជាជុំវិញវិបត្តិនយោបាយក្នុងប្រទេសថៃថា កម្ពុជាចាត់ទុកសភាពការណ៏នៅថៃ ជាកិច្ចការផ្ទៃក្នុងរបស់ថៃ កម្ពុជាមិនលូកដៃចូលកិច្ចការផ្ទៃក្នុងថៃឡើយ ហើយថា កម្ពុជាមិនមែនជាទីតំាងសម្រាប់ផ្តល់ឲ្យក្រុមណាមួយបង្កើតរដ្ឋាភិបាលនិរទេស ប្រឆាំងនឹងប្រទេសណាមួយឡើយ ។
សម្តេចនាយករដ្ឋមន្រ្តី ហ៊ុន សែន ប្រកាសពីជំហររបស់រាជរដ្ឋាភិបាលកម្ពុជាបែបនេះ បានធ្វើឡើងនៅព្រឹកថ្ងៃទី២៧ ឧសភា ២០១៤ ក្នុងឱកាសដែលសម្តេចបានអញ្ជើញជាអធិបតីចែកសញ្ញាបត្រជូនដល់ជ័យលាភីនិស្សិតនៃសាកលវិទ្យាភូមិន្ទភ្នំពេញ នៅមជ្ឈមណ្ឌលកោះពេជ្រ ក្នុងរាជធានីភ្នំពេញ ។
ព័ត៌មានលម្អិត នឹងមានផ្សាយជូននៅលើសារព័ត៌មានកោះសន្តិភាព ៕
ឆ្លើយតបតាមសំណូមពររឿង «គ្រាប់ពេជ្រ» ត្រូវបានដាក់បញ្ចាំងជាថ្មី
ប្រភពមកពីកោះសន្ដិភាព
ថ្ងៃអង្គារ ទី២៧ ខែឧសភា ឆ្នាំ២០១៤ ម៉ោង ១៤:៤៧
រាជធានីភ្នំពេញ ៖ តាមការសន្យា និងឆ្លើយតបទៅនឹងសំណូមពរជាច្រើនភាពយន្តរឿង «គ្រាប់ពេជ្រ» ឬ "GEMS ON THE RUN" បានវិលមកបម្រើអារម្មណ៍ទស្សនិកជនជាថ្មី នៅរោងភាពយន្តលុច្ស ដែលការចាក់បញ្ចាំងនឹងប្រព្រឹត្តឡើងពេញមួយសប្តាហ៍ រហូតដល់ថ្ងៃទី៣០ ឧសភា ។
លោកសុខ វិសាល ចាងហ្វាងផលិតកម្ម៣៩១ និងជាផលិតករភាពយន្តនេះ បានឱ្យដឹងថា ការចាក់បញ្ចាំងរឿង «គ្រាប់ពេជ្រ» ម្តងទៀត គឺដើម្បីបម្រើអារម្មណ៍ទស្សនិកជន ពិសេសមិត្តយុវវ័យបានសើចសប្បាយ បំបាត់ទុក្ខកង្វល់ផ្សេងៗក្នុងកិច្ចការងារ និងការសិក្សាតាមរយៈឈុតឆាកកំប្លែងស្ងួតជាច្រើន ។
ផលិតកររូបនេះបន្តថា មិត្តភក្តិមួយចំនួនរបស់លោកបាននាំសារមកប្រាប់ដែរថា គាត់មិនទាន់បានទស្សនា និងសូម្បីអ្នកទស្សនារួចហើយមួយចំនួន ក៏ចង់ទស្សនារឿងហ្នឹងម្តងទៀត ។ ដូច្នេះទើបលោកសម្រេចដាក់បញ្ចាំងរឿងនេះម្តងទៀត នៅរោងភាពយន្តលុច្សវិញម្តង បន្ទាប់ពីចាក់បញ្ចាំងនៅរោងភាពយន្ត Platinum Cineplex និង Legeng រួចមក ។
ក្រៅពីមានឈុតឆាកកំប្លែងស្ងួតជាច្រើន ដែលជាគន្លឹះធ្វើឱ្យទស្សនិកជនផ្ទុះសំណើចគ្រប់គ្នានោះ រឿង «គ្រាប់ពេជ្រ» ក៏មានដាក់បញ្ចូលមរតកសំនៀងដើមរបស់អធិរាជសំឡេងមាស លោកស៊ីន ស៊ីសាមុត ពីរោះៗឆ្លាស់គ្នា ដែលប្រិយមិត្តកម្រនឹងបានឮជាច្រើនបទទៀតផង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
វគ្គបណ្តុះបណ្តាលគ្រូបង្វឹកហែលទឹកបញ្ចប់ហើយ
ប្រភពមកពីកោះសន្ដិភាព
រាជធានីភ្នំពេញ ៖ វគ្គសិក្សាសាមគ្គីអូឡំាពិក ស្តីពីកីឡាហែលទឹកដែលបានចាប់ផ្តើមតំាងពីថ្ងៃទី១៧ ឧសភា បានបិទបញ្ចប់ហើយកាលពីព្រឹកថ្ងៃទី២៨នេះ នៅទីស្នាក់ការគណៈកម្មាធិការជាតិអូឡំាពិកម្ពុជា។
ពិធីបិទវគ្គនេះមានការអញ្ជើញចូលរួមពីលោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡំាពិកម្ពុជា លោក ហែម ចាន់លី ប្រធានសហព័ន្ធកីឡាហែលទឹកកម្ពុជា លោក James Richaeds គ្រូឧទ្ទេសនាមមកពីប្រទេស អង់គ្លេស លោក ហែម ថុន អគ្គលេខាធិការសហព័ន្ធ ព្រមទំាងសិក្ខាកាមដែលមកពីតាមបណ្តាខេត្ត និងអង្គភាពផ្សេងៗសរុបទំាងអស់ចំនួន២៥នាក់។
វគ្គបណ្តុះបណ្តាលនោះមានកីឡាករ កីឡាការិនី និងគ្រូបង្វឹកសរុប២៥នាក់ ដោយមានមន្ត្រីសហព័ន្ធអូឡាំពិកជនជាតិអង់គ្លេសមកបណ្តុះបណ្តាល ដោយផ្ទាល់នៅក្នុងសហព័ន្ធកីឡាហែលទឹកស្ថិតក្នុងបរិវេណស្តាតអូឡាំពិក។
ក្នុងឱកាសបិទវគ្គបណ្តុះបណ្តាលនេះដែរ ក៏មានការប្រគល់សញ្ញាបត្រជូនដល់សិក្ខាកាមទាំង២៥នាក់ផងដែរ។
ឆេះមន្ទីរពេទ្យមួយនៅកូរ៉េខាងត្បូងស្លាប់21នាក់
ប្រភពមកពីកោះសន្ដិភាព
យោងតាមទីភ្នាក់ងារសារព័ត៌មានកូរ៉េខាងត្បូង YONHAP ថា ប៉ូលិសនិងក្រុមអ្នកពន្លត់ភ្លើងគូសបញ្ជាក់ថា ភ្លើងបានឆាបឆេះនាវេលាម៉ោង០និង២៧នាទីរំលងអធ្រាត្រយប់ថ្ងៃទី២៧ ឧសភា ក្នុងមន្ទីរពេទ្យមួយនៃទីក្រុង JENGSE-ONG ស្ថិតនៅចម្ងាយប្រមាណជា៣០០គីឡូម៉ែត្រខាងត្បូងក្រុងសេអ៊ូល បណ្ដាលឱ្យមនុស្សស្លាប់ដល់ទៅ២១នាក់ ហើយមនុស្ស៧នាក់ទៀតត្រូវរបួស ។
លោក គីម ខ្យុងណាម អ្នកទទួលខុសត្រូវម្នាក់នៃក្រុមពន្លត់ភ្លើងនិយាយថា អគ្គិភ័យនោះអាចពន្លត់រយៈពេល៣០នាទី ។ ផ្សែងភ្លើងបានរាតត្បាតអគារមាន៣ជាន់មួយនៃមន្ទីរពេទ្យជាប្រភពដើមនៃការឆាបឆេះនោះ ។ អ្នកជំងឺប្រមាណជា១០នាក់ នៅជាន់ផ្ទាល់ដីអាចគេចផុតពីគ្រោះថ្នាក់ដោយប្រផិតប្រផើយក្រោយភ្លើងចាប់ផ្ដើមឆេះ ក៏ប៉ុន្ដែអ្នកជំងឺប្រមាណ៣០នាក់នៅជាន់ទី១ត្រូវពុលផ្សែង ។ ជនរងគ្រោះភាគច្រើនជាមនុស្សចាស់ដែលមានជំងឺ ពិសេសជំងឺបេះដូង ។ គិលានុប្បដ្ឋាយិកាតែម្នាក់គត់ដែលនៅប្រចាំការក្នុងអគារនោះស្ថិតក្នុងចំណោមអ្នកស្លាប់ ។
កាលពីថ្ងៃទី២៦ ឧសភា កន្លងមក នៅកូរ៉េខាងត្បូងក៏មានអគ្គិភ័យឆេះស្ថានីយរថយន្ដ១កន្លែងនៅភាគពាយ័ព្យក្រុងសេអ៊ូល បណ្ដាលឱ្យមនុស្សស្លាប់៧នាក់ និងរបួស៤១នាក់ដែរ ។ ម៉្យាងទៀត ពលរដ្ឋកូរ៉េខាងត្បូងនៅតែមានការក្ដុកក្ដួលនៅឡើយ ចំពោះគ្រោះមហន្ដរាយនៃនាវាឈ្មោះ SEWOL កាលពីថ្ងៃទី១៦ មេសា ដែលបណ្ដាលឱ្យមនុស្សស្លាប់ដល់ទៅជាង៣០០នាក់ ៕
បុរសម្នាក់បើកម៉ូតូធុនធំទៅបុករថយន្តតាក់ស៊ីបើកឆ្លងផ្លូវបណ្តាលឱ្យរងរបួសធ្ងន់
ប្រភពមកពីកោះសន្ដិភាព
រាជធានីភ្នំុពេញ ៖ បុរសម្នាក់បានរងរបួសធ្ងន់ ខណះបើកម៉ូតូ ធុនធំម៉ាក PDR ទៅបុករថយន្តតាក់ស៊ី របស់ក្រុមហ៊ុនឆយដែលកំពុងបើកឆ្លងផ្លូវ ។ ហេតុការណ៍នេះកើតឡើងកាលពីវេលាម៉ោង៣និង១០នាទី ទាបភ្លឺឈានចូលថ្ងៃ ទី ២៨ ឧសភា ២០១៤ នៅចំណុចផ្លូវ២៤១ កែងនិងផ្លូវលេខ៥១ ស្ថិតនៅក្នុងសង្កាត់បឹងរាំង ខណ្ឌដូនពេញ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេបានឃើញម៉ូតូធុនធំមួយគ្រឿងម៉ាក PDR ពណ៌ស ពាក់ស្លាកលេខភ្នំពេញ 1CA-3068 បើកដោយបុរសម្នាក់ក្នុងល្បឿនលឿនតាមផ្លួវ លេខ៥១ក្នុងទិសដៅពីជើងទៅត្បូងមកដល់ចំណុចកើតហេតុក៏បានជ្រុលចង្កូតទៅបុករថយន្តតាក់ស៊ីមួយគ្រឿង ម៉ាកហ៊ីយ៉ានដាយណាតា ពណ៌ខ្មៅ ពាក់ស្លាកលខAT-142.0471 របស់ក្រុមហ៊ុនឆយដែលបើកឆ្លងផ្លូវ ក្នុងទិសដៅពីកើតមកលិច បណ្តាលឱ្យបុរសម្នាក់របួសធ្ងន់ ចំណែករថយន្តរងការខូចផ្នែកខាងក្រោយចំហៀងខាងស្តាំ និងម៉ូតូខ្ទេចមួយកំណាត់មុខ ។
ក្រោយពេលកើតហេតុជនរងគ្រោះត្រូវបានបញ្ជូនទៅសង្រ្គោះនៅមន្ទីរពេទ្យ ហើយសមត្ថកិច្ចក៏បានចុះមកត្រួតពិនិត្យនិងធ្វើការវាសវែងនៅកន្លែងកើតហេតុផងដែរ ។
Monday, May 26, 2014
វិធីសាស្ត្រងាយៗ 4យ៉ាងជួយដល់ការរក្សាស្បែកឱ្យភ្លឺរលោង
ប្រភពមកពីកោះសន្ដិភាព
ភាពតានតឹងក្នុងអារម្មណ៍ ក្តីទុក្ខព្រួយនិងការអស់កម្លាំងអាចធ្វើឱ្យស្បែកស្រអាប់និងមើលទៅចាស់ជាងវ័យ ។ ដើម្បីធ្វើឱ្យភាពភ្លឺថ្លារបស់ស្បែកត្រឡប់មកវិញ ចូរអនុវត្តនូវវិធីសាស្ត្រ៤ចំណុចដូចខាងក្រោម ៖
១- ទទួលទានផ្លែឈើនិងបន្លែស្រស់ឱ្យបានច្រើន ៖
រាល់អាហារដែលទទួលទានប្រចាំថ្ងៃគឺសុទ្ធតែមានឥទ្ធិពលលើស្បែក ។ ការទទួលទានបន្លែផ្លែឈើស្រស់ៗនឹងជួយឱ្យស្បែកមានជីវិតរស់រវើកនិងស្រស់បំព្រង ។ ចំណែកឯអាហារដែលសម្បូរដោយប្រូតេអុីននិងវីតាមីននឹងជួយរក្សាស្បែកឱ្យភ្លឺថ្លា ។
២- ប្រើគ្រឿងសម្អាងធម្មជាតិផ្សំដោយខ្លួនឯង ៖
ជំនួសឱ្យការប្រើប្រាស់ផលិតផលថែរក្សាសម្រស់ផលិតពីសារធាតុគីមី គេអាចប្រើផលិតផលធម្មជាតិដើម្បីសម្អាតស្បែកមុខ ។ គេអាចធ្វើល្បាយលាបមុខដោយលាយចូលគ្នានូវ ត្រសក់ ទឹកត្រសក់ស្រូវ និងទឹកក្រូចឆ្មារ២-៣ដំណក់ ខណៈបំបាត់ស្នាមជាំដោយប្រើចំណិតចេកទុំបិទពីលើ ។ ដោយឡែក ប៉េងប៉ោះអាចប្រើទប់ស្កាត់មុនលើស្បែក ។ ចូរលាយបញ្ចូលគ្នានូវទឹកប៉េងប៉ោះចំណុះ៣ស្លាបព្រាកាហ្វេជាមួយទឹកក្រូចឆ្មារ១ស្លាបព្រាកាហ្វេនិងក្រែមទឹកដោះគោ២ស្លាបព្រាកាហ្វេ ។ ចូរលាបលើស្បែកក្នុងរូបភាពជារង្វង់ ។
៣-ចូរលាងសម្អាតស្បែកដោយទឹកត្រជាក់ ៖
ជានិច្ចកាល ចូរប្រើប្រាស់ទឹកត្រជាក់លាងជម្រះស្បែក (ជាពិសេសស្បែកមុខ)ខណៈទឹកក្តៅអាចធ្វើឱ្យស្បែកស្ងួត ។
៤- ហាត់ប្រាណឱ្យបានទៀងទាត់ ៖
ការបែកញើសពេញខ្លួនមិនត្រឹមតែផ្តល់ផលល្អដល់រាងកាយប៉ុណ្ណោះទេ ប៉ុនែ្តថែមទាំងផ្តល់ផលល្អដល់ស្បែកផងដែរ ។ ចូរចាប់យកប្រភេទលំហាត់ប្រាណណាមួយដែលអ្នកពេញចិត្តហើយរាងកាយអំណោយផល ។ ដោយឡែក ចំពោះការធ្វើលំហាត់ប្រាណបែបសមាធិក៏អាចជួយឱ្យស្បែកភ្លឺថ្លាបានផងដែរ ខណៈលំហាត់ប្រាណប្រភេទនេះបានជំរុញដល់ការចរាចរឈាមក្នុងរាងកាយ ៕
ភាពតានតឹងក្នុងអារម្មណ៍ ក្តីទុក្ខព្រួយនិងការអស់កម្លាំងអាចធ្វើឱ្យស្បែកស្រអាប់និងមើលទៅចាស់ជាងវ័យ ។ ដើម្បីធ្វើឱ្យភាពភ្លឺថ្លារបស់ស្បែកត្រឡប់មកវិញ ចូរអនុវត្តនូវវិធីសាស្ត្រ៤ចំណុចដូចខាងក្រោម ៖
១- ទទួលទានផ្លែឈើនិងបន្លែស្រស់ឱ្យបានច្រើន ៖
រាល់អាហារដែលទទួលទានប្រចាំថ្ងៃគឺសុទ្ធតែមានឥទ្ធិពលលើស្បែក ។ ការទទួលទានបន្លែផ្លែឈើស្រស់ៗនឹងជួយឱ្យស្បែកមានជីវិតរស់រវើកនិងស្រស់បំព្រង ។ ចំណែកឯអាហារដែលសម្បូរដោយប្រូតេអុីននិងវីតាមីននឹងជួយរក្សាស្បែកឱ្យភ្លឺថ្លា ។
២- ប្រើគ្រឿងសម្អាងធម្មជាតិផ្សំដោយខ្លួនឯង ៖
ជំនួសឱ្យការប្រើប្រាស់ផលិតផលថែរក្សាសម្រស់ផលិតពីសារធាតុគីមី គេអាចប្រើផលិតផលធម្មជាតិដើម្បីសម្អាតស្បែកមុខ ។ គេអាចធ្វើល្បាយលាបមុខដោយលាយចូលគ្នានូវ ត្រសក់ ទឹកត្រសក់ស្រូវ និងទឹកក្រូចឆ្មារ២-៣ដំណក់ ខណៈបំបាត់ស្នាមជាំដោយប្រើចំណិតចេកទុំបិទពីលើ ។ ដោយឡែក ប៉េងប៉ោះអាចប្រើទប់ស្កាត់មុនលើស្បែក ។ ចូរលាយបញ្ចូលគ្នានូវទឹកប៉េងប៉ោះចំណុះ៣ស្លាបព្រាកាហ្វេជាមួយទឹកក្រូចឆ្មារ១ស្លាបព្រាកាហ្វេនិងក្រែមទឹកដោះគោ២ស្លាបព្រាកាហ្វេ ។ ចូរលាបលើស្បែកក្នុងរូបភាពជារង្វង់ ។
៣-ចូរលាងសម្អាតស្បែកដោយទឹកត្រជាក់ ៖
ជានិច្ចកាល ចូរប្រើប្រាស់ទឹកត្រជាក់លាងជម្រះស្បែក (ជាពិសេសស្បែកមុខ)ខណៈទឹកក្តៅអាចធ្វើឱ្យស្បែកស្ងួត ។
៤- ហាត់ប្រាណឱ្យបានទៀងទាត់ ៖
ការបែកញើសពេញខ្លួនមិនត្រឹមតែផ្តល់ផលល្អដល់រាងកាយប៉ុណ្ណោះទេ ប៉ុនែ្តថែមទាំងផ្តល់ផលល្អដល់ស្បែកផងដែរ ។ ចូរចាប់យកប្រភេទលំហាត់ប្រាណណាមួយដែលអ្នកពេញចិត្តហើយរាងកាយអំណោយផល ។ ដោយឡែក ចំពោះការធ្វើលំហាត់ប្រាណបែបសមាធិក៏អាចជួយឱ្យស្បែកភ្លឺថ្លាបានផងដែរ ខណៈលំហាត់ប្រាណប្រភេទនេះបានជំរុញដល់ការចរាចរឈាមក្នុងរាងកាយ ៕
បានតំណែងមេការឃ្លាតពីអាជីពសិល្បៈសម្តែងឡុង ប៊ុនហេង រៀបចំខួបកំណើតបំពេញចិត្តថៅកែស្រី
ប្រភពមកពីកោះសន្ដិភាព
រាជធានីភ្នំពេញ ៖ តារាល្បីឈ្មោះមួយចំនួន មាននាងមាស សុខសោភា នាងសាន សុមាលី នាងញឹម ចាន់ថន នាងសុខ សោមាវត្តី និងលោកជួប សុភ័ក្ត្រ ជាដើម បានចូលរួមរីករាយក្នុងរាត្រីខួបកំណើតរបស់ថៅកែស្រីក្លឹបកម្សាន្តមួយឈ្មោះ RCA ។ ពិធីខួបកំណើតនេះ រៀបចំកាលពីរាត្រីថ្ងៃទី២៣ ឧសភា ឆ្នាំ២០១៤ ដោយតារាសម្តែងលោកឡុង ប៊ុនហេង ដើម្បីបំពេញចិត្តថៅកែស្រី ដែលផ្តល់តំណែងជាមេការក្លឹបដល់ខ្លួន ។
លោកឡុង ប៊ុនហេង ដែលឃ្លាតពីអាជីពសិល្បៈ ព្រោះរវល់ការងារជាអ្នកមើលការខុសត្រូវប្រចាំក្លឹបកម្សាន្ត RCA ឱ្យដឹងថា លោករៀបចំកម្មវិធីពិសេសជូនថៅកែក្លឹប គឺពិធីខួបកំណើតដើម្បីឱ្យកាន់តែមានហុងស៊ុយក្នុងជីវិត ពិសេសចង់ឱ្យមុខរបរកាន់តែទទួលបានការគាំទ្រពីអតិថិជនច្រើនឡើង នៅពេលដែលសព្វថ្ងៃនេះមានភ្ញៀវទៅកម្សាន្តច្រើនកុះករ ។ ការគាំទ្រនេះដោយសារតែក្លឹបចាត់ចែងកម្មវិធីកម្សាន្តជាច្រើន ដើម្បីឱ្យមានភាព ប្លែកៗរហូត ក្នុងន័យចែករំលែកការកម្សាន្តជូនភ្ញៀវដើម្បីបំបាត់ទុក្ខ ឬការនឿយហត់ពីការងារពេលថ្ងៃ ។
លោកឡុង ប៊ុនហេង ថ្លែងអំណរគុណភ្ញៀវទាំងអស់ដែលចូលរួមកម្សាន្តនៅក្លឹប RCA តាំងពីបើកដំណើរការមក ពិសេសនាឱកាសខួបកំណើតថៅកែក្លឹប ក៏ដូចជាតារាមួយចំនួនដែលបានចូលរួមជួយឱ្យកម្មវិធីមានកិត្តិយស និងសប្បាយរីករាយ ។
ក្លឹបកម្សាន្ត RCA ជាក្លឹបថ្មីមួយកំពុងទាក់ទាញបានភ្ញៀវជាច្រើន ដែលមានមុខមាត់និយមទៅកម្សាន្តបំបាត់ភាពនឿយហត់ ក្រោយបំពេញការងារ ដោយសារតែក្លឹបនោះរៀបចំល្អប្រណីត មានអ្នកចម្រៀង ល្បីៗ និងបំពាក់ដោយឧបករណ៍ភ្លើងពណ៌ទាន់សម័យ រចនាពេញផ្ទៃខាងក្នុង ។
ក្នុងឱកាសរៀបចំកម្មវិធីខួបកំណើតរបស់ថៅកែស្រីនោះ ក្លឹប RCA បានបញ្ចុះតម្លៃពិសេសជូនអតិថិជន ។ អតិថិជនជាច្រើនបានរាំកម្សាន្តយ៉ាងរីករាយ និងជូនពរម្ចាស់ក្លឹបផង ដែរ ។ ចំពោះតារាល្បីឈ្មោះចូលរួមនារាត្រីនោះ មាននាងមាស សុខសោភា នាងសុខ សោម៉ាវត្តី លោកជួប សុភ័ក្ត្រ នាងញឹម ចាន់ថន នាងសាន សុម៉ាលី នាងឱក សុមាវត្តី និងលោកវណ្ណ មករា ៕
លោកឡុង ប៊ុនហេង ដែលឃ្លាតពីអាជីពសិល្បៈ ព្រោះរវល់ការងារជាអ្នកមើលការខុសត្រូវប្រចាំក្លឹបកម្សាន្ត RCA ឱ្យដឹងថា លោករៀបចំកម្មវិធីពិសេសជូនថៅកែក្លឹប គឺពិធីខួបកំណើតដើម្បីឱ្យកាន់តែមានហុងស៊ុយក្នុងជីវិត ពិសេសចង់ឱ្យមុខរបរកាន់តែទទួលបានការគាំទ្រពីអតិថិជនច្រើនឡើង នៅពេលដែលសព្វថ្ងៃនេះមានភ្ញៀវទៅកម្សាន្តច្រើនកុះករ ។ ការគាំទ្រនេះដោយសារតែក្លឹបចាត់ចែងកម្មវិធីកម្សាន្តជាច្រើន ដើម្បីឱ្យមានភាព ប្លែកៗរហូត ក្នុងន័យចែករំលែកការកម្សាន្តជូនភ្ញៀវដើម្បីបំបាត់ទុក្ខ ឬការនឿយហត់ពីការងារពេលថ្ងៃ ។
លោកឡុង ប៊ុនហេង ថ្លែងអំណរគុណភ្ញៀវទាំងអស់ដែលចូលរួមកម្សាន្តនៅក្លឹប RCA តាំងពីបើកដំណើរការមក ពិសេសនាឱកាសខួបកំណើតថៅកែក្លឹប ក៏ដូចជាតារាមួយចំនួនដែលបានចូលរួមជួយឱ្យកម្មវិធីមានកិត្តិយស និងសប្បាយរីករាយ ។
ក្លឹបកម្សាន្ត RCA ជាក្លឹបថ្មីមួយកំពុងទាក់ទាញបានភ្ញៀវជាច្រើន ដែលមានមុខមាត់និយមទៅកម្សាន្តបំបាត់ភាពនឿយហត់ ក្រោយបំពេញការងារ ដោយសារតែក្លឹបនោះរៀបចំល្អប្រណីត មានអ្នកចម្រៀង ល្បីៗ និងបំពាក់ដោយឧបករណ៍ភ្លើងពណ៌ទាន់សម័យ រចនាពេញផ្ទៃខាងក្នុង ។
ក្នុងឱកាសរៀបចំកម្មវិធីខួបកំណើតរបស់ថៅកែស្រីនោះ ក្លឹប RCA បានបញ្ចុះតម្លៃពិសេសជូនអតិថិជន ។ អតិថិជនជាច្រើនបានរាំកម្សាន្តយ៉ាងរីករាយ និងជូនពរម្ចាស់ក្លឹបផង ដែរ ។ ចំពោះតារាល្បីឈ្មោះចូលរួមនារាត្រីនោះ មាននាងមាស សុខសោភា នាងសុខ សោម៉ាវត្តី លោកជួប សុភ័ក្ត្រ នាងញឹម ចាន់ថន នាងសាន សុម៉ាលី នាងឱក សុមាវត្តី និងលោកវណ្ណ មករា ៕
លោកប្រាយុទ្ធ សន្យាតែងតាំងនាយករដ្ឋមន្ត្រីបណ្តោះអាសន្នមួយរូប
ប្រភពមកពីកោះសន្ដិភាព
ឧត្តមសេនីយ៍ដែលរៀបចំធ្វើរដ្ឋប្រហារនៅថៃ លោកប្រាយុទ្ធ ចាន់អូចា កាលពីថ្ងៃទី២៦ ឧសភា បានសន្យាតែងតាំងនាយករដ្ឋមន្ត្រីបណ្តោះអាសន្នមួយរូប ហើយបង្កើតរដ្ឋាភិបាលមួយ ។លោកប្រាយុទ្ធ ចាន់អូចា សន្យាបែបនេះកាលពីថ្ងៃទី២៦ ឧសភា ក្នុងឱកាសនៃសន្និសីទសារព័ត៌មានមួយ ក្រោយទទួលការយល់ស្របរបស់ព្រះមហាក្សត្រលើការតែងតាំងរូបលោក ជាប្រមុខក្រុមប្រឹក្សាជាតិ ដើម្បីសន្តិភាព និងរបៀបរៀបរយ CAPO ។
ពេលអ្នកកាសែតសួរ លោកថា តើលោកនឹងឡើងធ្វើនាយករដ្ឋមន្ត្រីខ្លួនឯងមែនឬយ៉ាងណាស លោកបែរជានិយាយពង្វាងដាន ដោយប្រាប់ថាឱ្យមានការអត់ធ្មត់សិន ។ ប្រមុខរបស់ CAPO ក៏បដិសេធដែរ មិនលាតត្រដាងថាតើពេលណាទើបមានការបោះឆ្នោត ដោយបែរជានិយាយថារឿងនេះពឹងផ្អែកលើសភាពការណ៍ ។ក្នុងសន្និសីទសារព័ត៌មាននោះ លោកប្រាយុទ្ធ បានអំពាវនាវដល់សាធារណជនឱ្យមានការយោគយល់ចំពោះមូលហេតុនៃការធ្វើរដ្ឋប្រហារ ដោយអះអាងថា នោះជាអំពើដោយស្មោះមួយសំដៅ លុបបំបាត់ចោលភាពតានតឹង ហើយលោកថា CAPO នឹងធ្វើអ្វីគ្រប់យ៉ាងតាមដែលអាចធ្វើទៅបាន ដើម្បីដោះស្រាយបញ្ហាទាំងឡាយ ។
លោកប្រាយុទ្ធ ដ៏គូសបញ្ជាក់ផងដែរថា លោកមានអំណាចពេញលេញដើម្បីដឹកនាំ និងថា បម្រាមគោចរនឹងនៅតែបន្ត ក៏ប៉ុន្តែពុំសូវតឹងពេកទេ ។ លោកក៏អំពាវនាវផងដែរដល់សារព័ត៌មាន កុំអុជអាលឱ្យមានជម្លោះ ៕
សុំកង់ក្មេងស្រីអាយុ១៤ឆ្នាំជិះដល់កន្លែងស្ងាត់បង្ខំចាប់រំលោភបានសម្រេច ប៉ូលិសចាប់ខ្លួន
ប្រភពមកពីកោះសន្ដិភាព
ខេត្តកំពង់ឆ្នាំង ៖ យុវជនម្នាក់ត្រូវបានមន្ត្រីនគរបាលមូលដ្ឋានធ្វើការចាប់ឃាត់ខ្លួន នៅព្រឹកថ្ងៃទី២៦ ឧសភា បន្ទាប់ពីមានពាក្យបណ្តឹងពីឪពុកម្តាយ ក្មេងស្រីរងគ្រោះ ថាបានចាប់រំលោភនាង កាលពីវេលាម៉ោង៦និង១០នាទីល្ងាចថ្ងៃទី២៥ ឧសភា នៅចំណុចព្រៃភ្នំតាធ្នង់ ស្ថិតក្នុងភូមិអណ្តូងឬស្សី ឃុំស្រែថ្មី ស្រុករលាប្អៀរ ខណៈដែលជនសង្ស័យខាងលើសុំជិះកង់ដោយសារក្មេងស្រីរងគ្រោះ។
ប្រភពពីមន្ត្រីនគរបាលប៉ុស្តិ៍ស្រែថ្មីបាននិយាយថា យុវជនសង្ស័យខាងលើមានឈ្មោះ មឿន រិទ្ឋី អាយុ២២ឆ្នាំ មានទីលំនៅ ភូមិអណ្តូងឬស្សី ចំណែកយុវតីរងគ្រោះអាយុ១៤ឆ្នាំ មានទីលំនៅភូមិត្រពាំងស្បូវ ឃុំស្រែថ្មី ស្រុករលាប្អៀរ ។
ប្រភពដដែលបានបនុ្តថា មុនពេលកើតហេតុ ក្នុងភូមិអណ្តូងឬស្សីមានពីធីបុណ្យប្រចាំក្នុងភូមិ ហើយជនសង្ស័យខាងលើបានមកលេងកំសាន្តនិងបានរាំធុងបាស់ ចំណែកក្មេងស្រីអាយុ១៤ឆ្នាំក៏បានជិះកង់មកលេងនឹងគេដែរ ។ លុះដល់ពេលល្ងាច ក្មេងស្រីរងគ្រោះបានជិះកង់ត្រឡប់ទៅផ្ទះវិញ តែត្រូវជនសង្ស័យហៅឈប់និងសុំជិះកង់ដោយសាទៅផ្ទះផង បន្ទាប់មកជនសង្ស័យបានហក់ឡើងជិះពីក្រោយ ដោយយកដៃកាន់ដៃចង្កូតកង់និងយកជើងធាក់ឈ្នាន់កង់ជំនួសក្មេងស្រីរងគ្រោះដែលអង្គុយលើកែប ។ លុះពេលមកដល់ផ្លូវបត់ចូលផ្ទះកេ្មងស្រីរងគ្រោះ បានឱ្យឈប់ តែជនសង្ស័យមិនឈប់ចេះតែធាក់កង់ទៅមុខទៀត រហូតដល់កន្លែងស្ងាត់ក៏ចូលក្នុងព្រៃ ហើយបានចាប់នាងរំលោភរហូតបានសម្រច ។ ក្នុងពេលនោះផងដែរឪពុកម្តាយក្មេងស្រីរងគ្រោះដែលបានបាត់កូនយូរក៏ដើររក ហើយត្រូវអ្នកភូមិប្រាប់ថាឃើញឈ្មោះ មឿន រិទ្ឋី ឌុបចូលព្រៃភ្នំតាធ្មង ពេលនោះឪពុកម្តាយក្មេងស្រីរងគ្រោះ បានទៅរកនិងបានស្រែកហៅរកកូន ស្រាប់តែឃើញកូនស្រីចេញមកវិញក្នុងអាការៈស្លេកស្លាំង ហើយពេលសួរនាំត្រូវនាងនិយាយរឿងរ៉ាវប្រាប់ទាំងអស់ ចំណែកជនសង្ស័យបានគេចខ្លួនបាត់។ បន្ទាប់មកឪពុកម្តាយបានប្តឹងមន្ត្រីនគរបាលមូលដ្ឋាន ហើយបានចាំឃ្លាំមើលរហូតព្រឹកថ្ងៃទី២៦ ទើបចាប់បានជនសង្ស័យ ខណៈដែលជននេះបានចេញពីផ្ទះ ។
ជនសង្ស័យឈ្មោះ មឿន រិទ្ឋី បានសារភាពថា ខ្លួនពិតជាបានធ្វើដូច្នេះមែន តែមិនមែនចាប់បង្ខំឡើយ គឺដោយព្រមព្រាងគ្នាទេ ព្រោះខ្លួនបានទាក់ទងស្នេហាគ្នាជាង១០ថ្ងៃមុនពេលកើតហេតុ ៕
Civil party attorney appointed
ប្រភពមកពីThe Phnom Penh Post
The Khmer Rouge tribunal yesterday announced the appointment of French attorney Marie Guiraud to replace the outgoing Elisabeth Simonneau-Fort as international civil party lead co-lawyer.
Guiraud, according to the court’s announcement, is a veteran of both the Khmer Rouge tribunal and international law as a whole, having represented civil parties before the tribunal since 2008 and having been active in the fields of criminal law and human rights for 15 years, representing “victims of international crimes before courts in the Ivory Coast and the Democratic Republic of the Congo”.
“In France, Ms. Giraud has represented both defendants and civil parties in all areas of criminal law, including terrorism crimes and transnational crimes,” the announcement reads. “Prior to her litigation career, Ms. Guiraud headed the Globalization and Human Rights Office in the International Federation for Human Rights.”
Guiraud will be stepping into her new role as the tribunal transitions into its next subtrial, Case 002/02. Her appointment comes into effect on June 1.
គឹម លីហ្សា ចាប់ផ្តើមរៀបចំបង្វិចចេញទៅតាមប្តីនៅប្រទេសអូស្ត្រាលី
ប្រភពមកពីកោះសន្ដិភាព
រាជធានីភ្នំពេញ ៖ តាំងពីរៀបការជាមួយស្វាមីជាអាណិកជននៅប្រទេសអូស្ត្រាលី លោកគីវ វុទ្ធី ស្វាមីគឹម លីហ្សា តារាសម្តែងរូបនេះ ទើបតែបានសិទ្ធិចាកចេញទៅតាមស្វាមី ដើម្បីសាងទំព័រជីវិតថ្មីនៅលើទឹកដីទំនើបមួយ បន្ទាប់ពីរង់ចាំពេលវេលាអស់ជាច្រើនខែក្នុងពេលចាំឯកសាររត់ការ ។ គឹម លីហ្សា សន្យាថា នាងនិងព្យាយាមមកលេងស្រុកកំណើតឱ្យបានញឹកញាប់ និងបង្ហាញមុខលើកញ្ចក់ទូរទស្សន៍ ដើម្បីឱ្យមហាជនបានដឹង ទោះបីជានាងចេញទៅសាងជីវិតថ្មីក៏ដោយ ។
អ្នកនាងគឹម លីហ្សា តារាសម្តែងមានស្នាមញញឹមស្រស់ស្អាត និងសាច់សខ្ចីធ្លាប់បានអះអាងកាលពីអំឡុងពេលរៀបការជាមួយស្វាមីមានតួនាទីជាពេទ្យនៅអូស្ត្រាលីថា នាងរៀបការ ហើយអត់ទាន់បានចេញទៅរស់នៅភ្លាមៗដូចតារាសម្តែងមួយចំនួនទេ ដោយសារតែមានឯកសារមួយចំនួននៅមិនទាន់រត់ការចេញរួច យ៉ាងហោចណាស់ក៏ជិតកន្លះឆ្នាំទៀត ។ ក្នុងអំឡុងពេលរត់ចាំរត់ការតារាសម្តែងរូបនេះ បានបង្ហាញនូវវត្តមានជាបន្តបន្ទាប់នៅលើទំព័រសិល្បៈមុននឹងចាកចេញនាងបានចូលរួមថតរឿង និងបង្ហាញមុខលើកញ្ចក់ទូរទស្សន៍ពីមួយទៅមួយក្នុងន័យចង់ឱ្យមហាជនគាំទ្រនាងបន្តទៀត ក្នុងពេលដែលនាងក៏មិនទាន់ចិត្តដាច់ចិត្តចេញទៅចោលអ្នកគាំទ្រ ទើបពេលវេលាមិនទាន់វេចអីវ៉ាន់ទៅតាមស្វាមីនោះ ជាពេលវេលាល្អមួយដែលគឹម លីហ្សា បានសាងស្នាដៃចុងក្រោយក្នុងទំព័រសិល្បៈមុននិងលាឈប់ជាផ្លូវការ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ឃីម បូរ៉ា និងឈិន ធារ៉ា ដណ្តើមបាន3ពិន្ទុនាំមុខគេ
ប្រភពមកពីកោះសន្ដិភាព
រាជធានីភ្នំពេញ ៖ ការប្រកួតបើកឆាកដណ្តើមខ្សែក្រវាត់ជើងឯកស្រាបៀរកម្ពុជារបស់ស្ថានីយទូរទស្សន៍អាស៊ីអាគ្នេយ៍ កាលពីថ្ងៃអាទិត្យ ទី២៥ ឧសភា កីឡាករឃីម បូរ៉ា និងកីឡាករឈិន ធារ៉ា បានក្លាយជាបេក្ខភាព២រូបមុនគេដែលទទួលបាន៣ពិន្ទុ ។ បុ៉ន្តែក៏មិនមែនមានន័យថា កីឡាករដែលចាញ់ក្នុងជុំសន្សំពិន្ទុដំបូងនេះក្លាយជាជនដែលអស់សង្ឃឹមនោះដែរ។
កីឡាករឃីម បូរ៉ា មកពីក្លិបរស្មីភូមិគាបខេត្តបន្ទាយមានជ័យ ទទួលបាន៣ពិន្ទុបន្ទាប់ពីបានយកឈ្នះកីឡាករសួង សុវណ្ណថា មកពីសមាគមកីឡាប្រដាល់ក្រសួងការពារជាតិ ដោយវេទនាបំផុតក្នុងវគ្គសន្សំពិន្ទុជុំទី១ ។ នេះជាការប្រកួតបើកឆាកប្រចាំសប្តាហ៍របស់ស្ថានីយទូរទស្សន៍អាស៊ីអាគ្នេយ៍ ខណៈដែលនៅថ្ងៃអាទិត្យបន្តបន្ទាប់នឹងមានជើងខ្លាំង៤រូបផ្សេងទៀតក្នុងចំណោម១២រូបដែលជ្រើសរួចនឹងមកប្រកួតបែបនេះដើម្បីដណ្តើមពិន្ទុដូចគ្នា ។ បង្គោលខៀវ ឃីម បូរ៉ា មិនទំនងថាឈ្នះកីឡាករបង្គោលក្រហមនោះទេ ដោយសារតែ សួង សុវណ្ណថា ធ្លាប់ឈ្នះលើកមុនម្តង និងមានឥទ្ធិពលមិនធម្មតាក្នុងពេលវាយលុកជាក់ស្តែង ។ យ៉ាងណាក៏ដោយ ក្រោមការខិតខំប្រឹងប្រែងវាយលុកដោយមិនញញើតចុងក្រោយ ទើបធ្វើឱ្យ សួង សុវណ្ណថា ចាញ់ច្រាប ហើយអាចឱ្យ ឃីម បូរ៉ា យកឈ្នះទាល់តែបាន ។
កីឡាករឈិន ធារ៉ា មកពីក្លិបអប់រំកាយស្រុកអន្លង់វែងខេត្តឧត្តរមានជ័យ ក៏ជាកីឡាករទី២ ដែលទទួលបាន៣ពិន្ទុពីការប្រកួតវគ្គសន្សំពិន្ទុក្នុងជុំទី១ នេះដែរ បន្ទាប់ពីបានយកឈ្នះកីឡាករសោម វិឆ័យ មកពីក្លិបសាលវ័ន្តកីឡាដោយត្រដាបត្រដួស ។ បើកុំតែបង្គោលក្រហម សោម វិឆ័យ ខ្ចីស្នៀតបន្តិច ហើយអន់កម្ពស់ជាងបន្តិច ប្រហែលជា ឈិន ធារ៉ា គ្មានវាសនាដណ្តើម៣ពិន្ទុពីការប្រកួតនេះបានឡើយ។
យ៉ាងណាក៏ដោយ លទ្ធផលចុងក្រោយបង្ហាញហើយថា កីឡាករ៤រូបក្នុងចំណោម១២រូបដែលបានបង្ហាញខ្លួនក្នុងសប្តាហ៍ដំបូងរបស់ទូរទស្សន៍អាស៊ីអាគ្នេយ៍ គឺកីឡាករឃីម បូរ៉ា និងឈិន ធារ៉ា ជាអ្នកក្តោបក្តាប់បាន៣ពិន្ទុនាំមុខមុន ខណៈដែលអ្នកចាញ់ គឺសួង សុវណ្ណថា និងសោម វិឆ័យ បានត្រឹម១ពិន្ទុបុ៉ណ្ណោះពីការប្រកួត ៕
ទឹកជំនន់នៅចិនស្លាប់26នាក់បាត់ខ្លួន10នាក់
ប្រភពមកពីកោះសន្ដិភាព
អាជ្ញាធរត្រួតពិនិត្យទឹកជំនន់មូលដ្ឋាន រាយការណ៍ថា មនុស្សយ៉ាងតិច២៦នាក់ បានត្រូវស្លាប់ ហើយ១០នាក់ទៀតបាត់ខ្លួន ក្រោយពីមានភ្លៀងធ្លាក់ខ្លាំងបង្កឱ្យមានទឹកជំនន់នៅខេត្តភាគខាងត្បូង និងភាគកណ្តាលចិន ។យោងតាមតុល្យការចេញផ្សាយនា ថ្ងៃទី២៦ ឧសភា នាវេលាម៉ោង១០ ម៉ោងក្នុងស្រុក ថា ខេត្តហ៊ូណាន់ ភាគកណ្តាលចិន មានមនុស្សស្លាប់៧នាក់ ហើយមនុស្ស៣នាក់នៅតែបាត់ ខ្លួន ។ ភ្លៀងធ្លាក់ខ្លាំងមិនឈប់ឈរ បណ្តាលឱ្យមានទឹកជំនន់ក្នុងតំបន់ភ្នំមួយចំនួនហើយបង្កការខូចខាតសម្ភារយ៉ាងច្រើននៅស្រុកចេនស៊ី ស្រុកម៉ាយ៉ាង និងស្រុកសាវដុង ។
មនុស្សប្រមាណជា៤០០.០០០នាក់ នៅទីក្រុង៦ រងការប៉ះពាល់ដោយគ្រោះមហន្តរាយនោះ ដោយក្នុងនោះ១៦.០០០នាក់ ត្រូវជម្លៀសចេញ ។ គេហដ្ឋានជាង៥២០ខ្នង ត្រូវរលំបាក់ ។ភ្លៀងធ្លាក់ខ្លាំងក្នុងខេត្តក្វាងទុង ខេត្តហ្គីហ្សូ និងខេត្តជាំងស៊ី ។ ចាប់តាំងពីថ្ងៃទី២១ ឧសភា មកព្យុះនានា នៅក្វាងទុង បណ្តាលឱ្យមនុស្សស្លាប់១៥នាក់ និងបាត់ខ្លួន៥នាក់ ព្រមទាំងប៉ះពាល់ដល់មនុស្ស៨០០.០០០នាក់ ៕
មន្រ្តីរាជរដ្ឋាភិបាលបើកកិច្ចប្រជុំជាមួយតំណាងអ្នកបញ្ជាទិញ ពិភាក្សាពីបា្រក់ឈ្នួលកម្មករ
ប្រភពមកពីកោះសន្ដិភាព
រាជធានីភ្នំពេញ ៖ មន្រ្តីជាន់ខ្ពស់អន្តរក្រសួងបានជួបពិភាក្សាការងារជាមួយតំណាងអ្នកបញ្ជាទិញ ដើម្បីពិភាក្សាពីបញ្ហាបា្រក់ឈ្នួលកម្មករ ។
ជំនួបនេះប្រព្រឹត្តទៅនៅវិមានសន្តិភាពទីស្តីការនាយករដ្ឋមន្រ្តី នារសៀលថ្ងៃទី២៦ ឧសភា ២០១៤ ក្រោមអធិបតីភាពលោក គាត ឈន់ ឧបនាយករដ្ឋមន្រ្តីប្រចំាការ និងមានការចូលរួមពីលោកទេសរដ្ឋមន្រ្តី ស៊ុន ចាន់ថុល និងជារដ្ឋមន្រ្តីក្រសួងពាណិជ្ជកម្ម លោក អ៊ិត សំហេង រដ្ឋមន្រ្តីក្រសួងការងារនិងបណ្តុះបណ្តាលវិជ្ជាជីវៈ តំណាងរោងចក្រកាត់ដេរ និង តំណាងភ្នាក់ងារបញ្ជាទិញ ។
ព័ត៌មានលម្អិតនឹងមានផ្សាយជូននៅលើសារព័ត៌មានកោះសន្តិភាព ៕
Monday, March 3, 2014
អ្នកនាងច័ន្ទ សុធារ័ត្ន ធ្វើខួបកំណើតកូនស្រី ស្របពេលបើសម្ពោធភោជនីយដ្ឋានតម្លៃជិតកន្លះលានដុល្លារ
ប្រភពមកពីកោះសន្តិភាព
រាជធានីភ្នំពេញ ៖ កាលពីរាត្រីថ្ងៃទី២ មីនា ២០១៤ កន្លងទៅ អ្នកនាងច័ន្ទ សុធារ័ត្ន អតីតតារាបង្ហាញម៉ូដប្រចាំក្រុមសាន់ម៉ូដែល បានរៀបចំកម្មវិធី២ គឺខួបកំណើតកូនស្រីគម្រប់១ខែ និងបើកសម្ពោធភោជនីដ្ឋានមីងហ្គោមីងហ្គោ ដែលមានទីតាំងស្ថិតនៅខាងក្រោយស្ថានទូតរុស្សីរាជធានីភ្នំពេញ ។
អ្វីដែលធ្វើឱ្យមហាជនចាប់អារម្មណ៍នោះ គឺអ្នកនាងច័ន្ទ សុធារ័ត្ន បានធ្វើឱ្យគេភ្ញាក់ផ្អើល ដោយសារតែភោជនីយដ្ឋានដែលជារបស់នាង គឺបានចំណាយអស់ចំនួនកន្លះលានដុល្លារ ទើបបានជាមើលទៅក្នុងបរិវេណមានការរៀបចំក្នុងសភាពទំនើបទាន់សម័យជាមួយភ្លើងពណ៌យ៉ាងស្រស់ប្រណីត ។
អ្នកនាងបាននិយាយថា ស្វាមីនាងគឺជាអាណិកជនខ្មែរ-បារាំង ពួកយើងបានស្រលាញ់ អស់រយៈពេល១ឆ្នាំមកហើយទើបឆ្លងដល់ថ្ងៃរៀបការ ។ ស្វាមីនាងជាមនុស្សចូលចិត្តសិល្បៈ បើទោះជាគាត់មានលុយគ្រប់គ្រាន់សម្រាប់ចិញ្ចឹមកូនចៅក៏នាងអាចមានសិទ្ធិប្រឡូកសិល្បៈបានពេញទំហឹងដូចនៅលីវដែរ ។
សហព័ន្ធកីឡាវាយកូនបាល់កម្ពុជាប្ដូរឈ្មោះថ្មីនិងធ្វើពិធីអបអរទិវាកីឡាវាយកូនបាល់ពិភពលោក
ប្រភពមកពីកោះសន្តិភាព
លោក ទេព រិទ្ធីវិទ្ធ អគ្គលេខាធិការកីឡាវាយកូនបាល់កម្ពុជា បានថែ្លងឱ្យដឹងថា យើងគិតថាការផ្លាស់ប្តូរឈ្មោះថ្មីរបស់សហព័ន្ធនេះនឹងនាំមកនូវកម្រិតអស្ចារ្យបន្ថែមទៀតនៃថាមពល និងឥទ្ធិពលទៅលើការរឹតចំណងរបស់ប្រទេសកម្ពុជាជាមួយនឹងកីឡាវាយកូនបាល់ក្នុងរបៀបមួយដែលប្លែកពីគេ ។ លោកបានបញ្ជាក់ថា រូបភាពឡូហ្គោថ្មីបង្ហាញពីវប្បធម៌របស់ប្រទេសកម្ពុជា និងការប្តេជ្ញាចិត្តរបស់ខ្លួនចំពោះកីឡាមួយនេះ ។ លោកមានសុទិដ្ឋិនិយមថា ការផ្លាស់ប្តូរទាំងពីរនេះនឹងជំរុញដល់ភាពដែលអាចមើលឃើញរបស់យើង។
រាជធានីភ្នំពេញ ៖ សហព័ន្ធកីឡាវាយកូនបាល់កម្ពុជា កាលពីព្រឹកថ្ងៃទី២ មីនា បានធ្វើសន្និសីទកាសែតស្ដីពីការផ្លាស់ប្ដូរឈ្មោះពីសហព័ន្ធកីឡាវាយកូនបាល់កម្ពុជា (TFC) ទៅជាកីឡាវាយកូនបាល់កម្ពុជា (Tennis Cambodia) និងបង្ហាញស្លាកសញ្ញាឡូហ្គោថ្មីដែលរចនាឡើងជាមួយនឹងអត្តសញ្ញាណថ្មីក្រោមការចូលរួមពីលោកទេព រិទ្ធិវិទ្ធ អគ្គលេខាធិការសហព័ន្ធកីឡាវាយកូនបាល់កម្ពុជា កញ្ញា Hisae Arai ជនជាតិជប៉ុនជាទូតសុច្ឆន្ទៈរបស់សហព័ន្ធកីឡាវាយកូនបាល់កម្ពុជា ព្រមទំាងភ្ញៀវកិត្តិយស និងកីឡាករជាច្រើនរូបទៀត ។
លោក ទេព រិទ្ធីវិទ្ធ អគ្គលេខាធិការកីឡាវាយកូនបាល់កម្ពុជា បានថែ្លងឱ្យដឹងថា យើងគិតថាការផ្លាស់ប្តូរឈ្មោះថ្មីរបស់សហព័ន្ធនេះនឹងនាំមកនូវកម្រិតអស្ចារ្យបន្ថែមទៀតនៃថាមពល និងឥទ្ធិពលទៅលើការរឹតចំណងរបស់ប្រទេសកម្ពុជាជាមួយនឹងកីឡាវាយកូនបាល់ក្នុងរបៀបមួយដែលប្លែកពីគេ ។ លោកបានបញ្ជាក់ថា រូបភាពឡូហ្គោថ្មីបង្ហាញពីវប្បធម៌របស់ប្រទេសកម្ពុជា និងការប្តេជ្ញាចិត្តរបស់ខ្លួនចំពោះកីឡាមួយនេះ ។ លោកមានសុទិដ្ឋិនិយមថា ការផ្លាស់ប្តូរទាំងពីរនេះនឹងជំរុញដល់ភាពដែលអាចមើលឃើញរបស់យើង។
បន្ទាប់ពីបញ្ចប់សន្និសីទកាសែត សហព័ន្ធកីឡាវាយកូនបាល់កម្ពុជាបានរៀបចំពិធីអបអរសាទរទិវាកីឡាវាយកូនបាល់ពិភពលោក«World TennisDay»ផងដែរស្របពេលដែលប្រទេសជាច្រើនលើពិភពលោកបានធ្វើជាបន្តបន្ទាប់ដោយមានការចូលរួមពីឪពុកម្តាយក្មេងៗកីឡាករ-កីឡាការិនី និងអ្នកគាំទ្ររាប់រយនាក់នៅឯមជ្ឈមណ្ឌលកីឡា(CCC)ពោរពេញដោយភាពរីករាយក្នុងគោលបំណងផ្សព្វផ្សាយកីឡាវាយកូនបាល់កម្ពុជា និងអត្ថប្រយោជន៍របស់វាសម្រាប់មនុស្សគ្រប់វ័យ និងអត្តពលិកគ្រប់កម្រិត ។
កញ្ញា Hisae Arai ដែលជាទូតសុច្ឆន្ទៈរបស់សហព័ន្ធកីឡាវាយកូនបាល់កម្ពុជា និងជាអតីតបវរកញ្ញារបស់ប្រទេសជប៉ុនបានបើកកម្មវិធីជាផ្លូវការរយៈពេលប្រមាណជាបួនម៉ោងក្នុងការរក្សាការផ្សារភ្ជាប់ជាមួយនឹងគោលដៅរបស់ទិវាកីឡាវាយកូនបាល់ពិភពលោកទៅលើការផ្សព្វផ្សាយនិងការបង្កើននូវការចូលរួមក្នុងកីឡានេះ ។ សកម្មភាពមួយផ្នែកធំនឹងទាក់ទិនជាមួយនឹងក្រុមក្មេងៗទាំងកំពុងតែលេងកីឡានេះរួចជាស្រេច ឬក៏អ្នកទាំងឡាយណាដែលមានបំណងក្នុងការចាប់ផ្តើមលេង ។ កញ្ញាHisae Arai បានឱ្យដឹងថា កញ្ញាចូលរួមនៅក្នុងសកម្មភាពជាមួយសហព័ន្ធកីឡាវាយកូនបាល់កម្ពុជា ក្នុងគោលបំណងចូលរួមផ្សព្វផ្សាយវិស័យកីឡាវាយកូនបាល់ដល់ប្រជាពលរដ្ឋកម្ពុជា និងយុវវ័យកម្ពុជាឱ្យចូលចិត្តនិងស្រឡាញ់កីឡាវាយកូនបាល់ជាពិសេសគឺចង់បំផុសឱ្យប្រភេទកីឡាមួយនេះមានសកម្មភាពរីកដុះដាលកាន់តែខ្លាំងក្លានៅកម្ពុជា ។
គួរបញ្ជាក់ផងដែរថា ទីលានចំនួនបីនៅឯមជ្ឈមណ្ឌលCCCបានប្រែក្លាយជាទីលានតូចៗជាច្រើនសម្រាប់ក្មេងៗលេងកីឡានេះ ។ ក្មេងៗទាំងនោះក៏នឹងមានឱកាសមួយក្នុងការចំណាយពេលវេលានៅលើទីលានជាមួយនឹងកីឡាករនៃក្រុមជម្រើសជាតិមួយចំនួនផងដែរ ។ ក្រៅពីជំនាញកីឡាវាយកូនបាល់អ្នកចូលរួមក៏នឹងដឹងពីសារសំខាន់នៃទិដ្ឋភាពបរិស្ថាន និងបញ្ហាអាហារ និងសុខភាពផងដែរ ៕
Subscribe to:
Posts (Atom)
