ការិយាល័យបណ្ដុំព័ត៌មាន: ព័ត៌មានសេដ្ឋាកិច្ច

Showing posts with label ព័ត៌មានសេដ្ឋាកិច្ច. Show all posts

Thursday, February 13, 2014

ក្រុមហ៊ុន Canon បានអភិវឌ្ឍន៍បច្ចេកវិទ្យាកាន់តែទំនើបនៅក្នុងវិស័យរូបថត

7:04 PM ព័ត៌មានក្រៅប្រទេស, ព័ត៌មានសេដ្ឋាកិច្ច No comments

ទីក្រុងតូក្យូ, ប្រទេសជប៉ុន ៖ ក្រុមហ៊ុនកាមេរ៉ា Canon ដែលជាក្រុមហ៊ុននាំមុខគេក្នុងផ្នែកបច្ចេកវិទ្យាលើវិស័យរូបភាព នៅលើពិភពលោក បានប្រជុំ និងបង្ហាញពីបច្ចេកវិទ្យាថ្មីៗរបស់ខ្លួនដែលទើបតែនឹងសម្រេចបានការផលិត ព្រមទាំងប្រកាសពីការទទួលជោគជ័យនូវសែស្រឡាយ EOS ពីរបន្ថែមទៀត គឺ EOS 1200D ជាមួយនឹង EF-S 18-55mm IS ll lens និង Macro Ring Lite MR-14EX ll ។

កិច្ចប្រជុំក៏ដូចជាការបង្ហាញនេះ បានធ្វើឡើងនៅការិយាល័យធំរបស់ក្រុមហ៊ុន Canon ស្ថិតនៅទីក្រុងតូក្យូ ប្រទេសជប៉ុន កាលពីថ្ងៃទី១២ កុម្ភៈ ២០១៤ ដោយមានប្រធានប្រតិបត្តិផ្នែកទីផ្សារ មកពីបណ្តាប្រទេសផ្សេងៗ ដូចជា សាំងហ្គាពួរ បង់ក្លាដេស ឥណ្ឌូណេស៊ី កម្ពុជា មីយ៉ាន់ម៉ា នេប៉ាល់ និងថ្នាក់ដឹកនាំរបស់ក្រុមហ៊ុននៅទីក្រុងតូក្យូផ្ទាល់ជាច្រើនរូបទៀត ។ មិនតែប៉ុណ្ណោះ ក៏មានអ្នកសារព័ត៌មានមកពីបណ្តាប្រទេសទាំង៦ ខាងលើចូលរួមផងដែរ ។

លោក Masaya Maeda អ្នកគ្រប់គ្រងទូទៅនៃក្រុមហ៊ុន Canon Inc បានឱ្យដឹងថា សព្វថ្ងៃនេះ ក្រុមហ៊ុន Canon បានខិតខំពង្រឹង និងកែច្នៃបង្កើតបច្ចេកវិទ្យាថ្មីៗបន្ថែមទៀត ដើម្បីតម្រូវការអ្នកប្រើប្រាស់ ក៏ដូចជាធ្វើឱ្យទាន់សម័យនូវបច្ចេកវិទ្យា ។ ហើយចំពោះទីផ្សារកាមេរ៉ា Canon យើងឃើញថា មានការរីកលូតលាស់ និងកើនឡើងជាលំដាប់ពីមួយឆ្នាំទៅមួយឆ្នាំ នេះដោយសារតែផលិតផលរបស់យើងមានគុណភាពល្អ ដែលអ្នកប្រើប្រាស់អាចទទួលយកបាន ។ មិនតែប៉ុណ្ណោះ ក្រុមហ៊ុនយើងក៏បានខិតខំប្រឹងប្រែងធ្វើឱ្យបច្ចេកវិទ្យា កាមេរ៉ា ជំនាន់ក្រោយៗនេះ កាន់តែមានភាពទំនើបដែលមិនធ្វើឱ្យអ្នកប្រើប្រាស់ ជាពិសេសអ្នកស្រឡាញ់ការថតរូបខកចិត្តនោះឡើយ ។

អានបន្ត

Tuesday, December 17, 2013

ពីទីផ្សារអចលនទ្រព្យទៅជាទីផ្សាររូបិយវត្ថុ

3:45 AM ព័ត៌មានសេដ្ឋាកិច្ច No comments

ប្រភពមកពីកោះសន្តិភាព
នៅពេលដែលទីផ្សារអចលនទ្រព្យរបស់អាមេរិក ផ្លាស់ប្ដូរទិសដៅប្រតិកម្មបន្តបន្ទាប់គ្នាបានបង្កឱ្យមានភាព ផុយស្រួយនៅក្នុងប្រព័ន្ធហិរញ្ញវត្ថុ ។ ការដាក់់ទុនរួមគ្នានិងការប្រើប្រាស់វិធីសាស្ត្រ ហិរញ្ញវត្ថុ ។ ការដាក់ទុនរួមគ្នានិងការប្រើប្រាស់វិធីសាស្ត្រហិរញ្ញវត្ថុ ដោយឈ្លាសវៃមិនបានផ្ដល់ឱ្យវិនិយោគគិននូវការការពារដែលបាន រំពឹងទុក ។ មូលបត្រគាំទ្រកម្ចីទិញផ្ទះ(Mortgage-backed Securities )បានធ្លាក់ថ្លៃប្រសិនបើគេមិនឱ្យតម្លៃសោះ ។

តាមការស្មានទុកCDOS បានប្រែទៅជាគ្មានតម្លៃ បើទោះបីជាមានការអនុម័ត្រពីភ្នាក់ងារផ្ដល់ចំណាត់ថ្នាក់ក៏ដោយ ។ វាក្លាយទៅជារឿងលំបាកក្នុងការលក់ទ្រព្យសម្បត្តិដែលមានមន្ទិល នៅក្នុងតម្លៃណាមួយឬប្រើប្រាស់ជាវត្ថុបញ្ចាំបំណុលសម្រាប់ មូលនិធិរយៈពេលខ្លីដែលធនាគារភាគច្រើនពឹងផ្អែកលើវា ។

រឿងនេះបានធ្វើឱ្យមូលធនធនាគារធ្លាក់ចុះ ដោយសារវាទាមទារឱ្យកំណត់តម្លៃទ្រព្យអាណត្តិព្យាបាលភាព (Trust ) ដែលជាជ័រស្អិតសំខាន់បំផុតនៃប្រព័ន្ធហិរញ្ញវត្ថុបានចាប់ ផ្ដើមរលាយកាលពីឆ្នាំ២០០៧ ។ មួយឆ្នាំមុនការក្ស័យធនរបស់ធនាគារLehman Brother ដោយសារធនាគារទាំងឡាយចាប់ផ្ដើមមានចម្ងល់ពីសមត្ថភាពនៃភាគី ម្ខាងនៅក្នុងកិច្ចសន្យាធនាគារទាំងនោះនឹងប្រភពផ្សេងទៀតនៃមូល ធនលក់ដុំបានចាប់ផ្ដើមរក្សាឥណទានរយៈពេលខ្លីដែលបណ្ដាល ឱ្យអ្នកពឹងផ្អែកលើឥណទានខ្លាំងបំផុតដួលបះជើង ។

Northern Rock ជាធនាគារផ្ដល់កម្ចីទិញផ្ទះរបស់អង់គ្លេសគឺធនាគារដំបូងដែល រងនូវការខាតបង់ដំបូងគេកាលពីរដូវស្លឹកឈើជ្រុះឆ្នាំ ២០០៧ ។ក្រុមហ៊ុនធនាគាររ៉ាប់រងធំបំផុតនៅអាមេរិកAIFបានទោរទៅ តាមការក្ស័យធនរបស់ធនាគារLehman ក្នុងរយៈពេលតែប៉ុន្មានថ្ងៃ ដោយសារស្ថិតក្រោមទម្ងន់នៃការការពារឥណទានដែលខ្លួនលក់ថ្លៃ ពេក ។

អានបន្ត

សៀងហៃគ្រោងបញ្ចប់ការសាងសង់អគារខ្ពស់បំផុតនៅឆ្នាំ២០១៥

3:43 AM ព័ត៌មានសេដ្ឋាកិច្ច No comments

ប្រភពមកពីកោះសន្តិភាព

នៅពេលបញ្ចាប់រួចរាល់ជាស្ថាបពរក្នុង ឆ្នាំ២០១៥ អគារShanghai Tower នឹងក្លាយជាអគារខ្ពស់បំផុតរបស់ចិន ។ អគារនេះមានកម្ពស់៦៣២ម៉ែត្រ ស្ថិតនៅក្នុងសង្កាត់ហិរញ្ញវត្ថុលូជាហ្សុយ និងបន្ថែមអគារការិយាល័យចំនួន២២០០០០ម៉ែត្រការ៉េ ឬជាង១០%នៃការផ្គត់ផ្គង់ថ្មីសម្រាប់ទីក្រុងនៅក្នុងឆ្នាំ ២០១៥ ។ នេះបើយោងតាមក្រុមហ៊ុនRET Property Consultancy Ltd. ។

អគារថ្មីនេះនឹងបន្ថែមការិយាល័យកម្រិតA ប្រហែល២លានម៉ែត្រការ៉េ នៅចន្លោះឆ្នាំ២០១៤ និង២០១៥ ពោលគឺច្រើនជាងការផ្គត់ផ្គង់កាលពីពីរឆ្នាំមុនដល់ទៅជាង មួយទ្វេជាពីរ នេះបើយោងតាមក្រុមហ៊ុនអន្តរការីSavills Plc ។ យោងតាមក្រុមហ៊ុនCBRE Group Incបានឲ្យដឹងថា ការតាំងចិត្តដ៏មុតមាំរបស់រដ្ឋាភិបាលចិនដើម្បីកែប្រែទី ក្រុងសៀងហៃទៅជាមជ្ឈមណ្ឌលសេដ្ឋកិច្ចហិញ្ញវត្ថុ និងនាំចេញនៅក្នុងឆ្នាំ២០២០បាននាំទៅដល់កំណើនអគារការិយា ល័យច្រើនដើម្បីបម្រើសេចក្តីត្រូវការរបស់ក្រុមហ៊ុនជាច្រើន ដូចជា ក្រុមហ៊ុនCitygroup Inc.និងក្រុមហ៊ុនNike Incជាដើម ដែលមានវត្តមាននៅក្នុងទីក្រុងនេះ ។

ការជួលការិយាល័យអាចធ្លាក់ចុះដល់ទៅ១៧% ក្នុងអំឡុងពេល៣ឆ្នាំទៀត នៅគ្រាដែលគេបន្ថែមការិយាល័យទំនេរ ហើយ ប្រទេសដែលមានសេដ្ឋកិច្ចធំបំផុតលើពិភពលោកមួយនេះស្វះស្វែងរក្សាកំណើនដែល បានកើនឡើងជាមធ្យម១០,៥%ក្នុងរយៈ១០ឆ្នាំគិតត្រឹមដំណាច់ឆ្នាំ២០១២ ។ លោកAlex Chenសេដ្ឋវិទូជាន់ខ្ពស់ក្រុមហ៊ុនRET Propertyនិយាយថា ការផ្គត់ផ្គង់ច្រើនបែបនេះនឹងដាក់សម្ពាធមកលើការជួលការិយាល័យនៅក្នុង ទីតាំងប្រណីត ។

ចំនួននេះបង្ហាញថាអត្រាការិយាល័យទំនេរនិងការជួល កំពុងបោះពួយទៅទៅក្នុងទិដៅអវិជ្ជមានយ៉ាងពិតប្រាកដ ទូទាំងទីក្រុង ។ការជួលការិយាល័យបានធ្លាក់ចុះ០,៣%ដល់៨,៤១យាន់ក្នុងមួួ យម៉ែត្រការ៉ែក្នុងមួយថ្ងៃ កាលពីត្រីមាសទី៣ ដែលជាការធ្លាក់ចុះប្រចាំត្រីមាសលើកដំបូងចាប់តំាងពី ឆ្នាំ២០១០មក ៕

អានបន្ត

Tuesday, December 3, 2013

លាំងលក់ម៉ូតូមានសភាពស្ងប់ស្ងាត់ខណៈពេលគយពង្រឹងការយកពន្ធនាំចូល

8:22 PM ព័ត៌មានសេដ្ឋាកិច្ច No comments

រាជធានីភ្នំពេញ ៖ នៅតាមឃ្លាំងម៉ូតូជាច្រើននៅក្នុងរាជធានីភ្នំពេញមានសភាព ស្ងប់ស្ងាត់ខុសពីធម្មតាដែលយើងសង្កេតឃើញធ្លាប់តែមាន អតិថិជនច្រើនមកទិញហូរហែ តែឥឡូវនេះហាក់ដូចជាគ្មានអតិថិជនមកទិញសោះ ។ មិនដឹងថាម៉ូតូនៅតាមឃ្លាំងឡើងថ្លៃ ខណៈពេលគយពង្រឹងពន្ធឬយ៉ាងណា ។

ជួបជាមួយលោក សឿន ថៅកែម៉ូតូនៅឃ្លាំងរំសេវ សង្កាត់ទឹកល្អក់ទី៣ ខណ្ឌទួលគោក បាននិយាយថា ក្នុងខែនេះនៅតាមឃ្លាំងម៉ូតូស្ងប់ស្ងាត់គ្មានអតិថិជនមករក ទិញទេ ដែលកាលពីមុនក្នុងមួយសប្ដាហ៍យ៉ាងហោចណាស់ក៏លក់បាន២ គ្រឿងដែរ តែក្នុងខែនេះវិញរយៈពេលជិត២សប្ដាហ៍ទៅហើយមិនទាន់ដាច់១ គ្រឿងសោះ ប្រហែលជាអតិថិជនគិតថា គយពង្រឹងពន្ធដូច្នោះអ្វីៗក៏ឡើងថ្លៃដែរ ដែលជាមូលហេតុធ្វើឱ្យពួកគេគិតថាម៉ូតូឡើងថ្លៃដូចអីវ៉ាន់ ផ្សេងៗ ប៉ុន្តែតាមពិតទៅនៅតាមឃ្លាំងម៉ូតូមិនបានដំឡើងថ្លៃទេ ផ្ទុយទៅវិញបែរជាមានតម្លៃទាបជាងមុនទៀតផង ។

ជាក់ស្ដែងម៉ូតូម៉ាកគុបស៊េរី២០០៨ ពីមុនតម្លៃ២.២០០ដុល្លារ តែឥឡូវនេះនៅតម្លៃត្រឹមតែ១.៧០០ដុល្លារតែប៉ុណ្ណោះ ហើយនូវតែគ្មានមនុស្សមកទិញទាល់តែសោះ ។ លោកបានបន្តទៀតថា បញ្ហាពិបាកនោះគឺគ្រឿងបន្លាស់ម៉ូតូបានឡើងថ្លៃ ដែលធ្វើឱ្យពិបាកក្នុងការទិញចូល ហើយគ្រឿងបន្លាស់វាមិនសូវចំណេញទេ ។ អ្វីជាបញ្ហាពេលនេះគឺកូនជាងសុំឡើងប្រាក់ខែដោយសារអ្វី ៗក៏ឡើងថ្លៃ ។ ជាពិសេសការជួលឃ្លាំងវិញក៏មានការឡើងថ្លៃទ្វេដង ដែលពីមុនក្នុងមួយខែត្រឹមតែ៨០០ដុល្លារតែ

ប្រភពមកពីកោះសន្តិភាព

ឥឡូវឡើងដល់ ១.៧០០ដុល្លារ ក្នុងមួយខែ ។ នេះជាបញ្ហាមួយចំពោះថៅកែឃ្លាំងម៉ូតូ ហើយថៅកែខ្លះបានរត់ចោលកន្លែងដោយសារតែគ្មានប្រាក់បង់ ឱ្យគេនៅចុងឆ្នាំ មិនតែប៉ុណ្ណោះថៅកែខ្លះឈាន់ដល់លក់ផ្ទះ លក់ដីសងគេក៏មាន ។

ដោយឡែកលោក វ៉ា សៀង ជាថៅកែលក់ម៉ូតូថ្មីគ្រប់ម៉ូដ ស្ថិតនៅសង្កាត់វាលវង់ ខណ្ឌ៧មករា បាននិយាយថា ក្នុងខែនេះស្ងាត់អតិថិជនមកទិញម៉ូតូ ធ្វើឱ្យការលក់របស់លោកមិនសូវដាច់សោះ ។ បច្ចុប្បន្នម៉ូតូមិនឡើងថ្លៃតាមដូចទំនិញផ្សេងៗនោះទេ គឺនៅមានតម្លៃធម្មតា ។

ជាក់ស្តែងម៉ូតូធំតម្លៃ៣.០០០ដុល្លារ ឯម៉ូតូស្គូពីតម្លៃចាប់ពី២.០៨០ដុល្លារដល់២.៣៥០ដុល្លារប៉ុណ្ណោះ ហើយមូលហេតុដែលលក់មិនដាច់នេះប្រហែលជាអតិថិជនគិតថាឡើងថ្លៃ តាមដូចទំនិញផ្សេងៗដែរ និងម្យ៉ាងទៀតឥឡូវនេះយើងពិបាករកលុយណាស់ ដោយចំណាយខ្ពស់ក្នុងការរស់នៅប្រចាំថ្ងៃ រីឯចំណូលទាប ពិសេសអ្នករស់នៅតាមស្រុកស្រែចម្ការ ។ លោកបានបន្តទៀតថា កាលពីខែមុនក្នុងមួយថ្ងៃលក់ដាច់បាន១ទៅ២គ្រឿង ស្ទើររាល់ថ្ងៃ តែឥឡូវលក់មិនដាច់សោះ ហើយបញ្ហាពិបាកមួយទៀតនោះគឺកាលពីមុនម៉ូតូដឹកមកដល់ឃ្លាំង តែឥឡូវត្រូវទៅយកដល់ផែស្ងួតចោមចៅឯណោះវិញ ៕

អានបន្ត

លទ្ធផលតម្លៃមូលបត្របិទទីផ្សារប្រចាំថ្ងៃទី03 ធ្នូ ២០១៣

8:16 PM ព័ត៌មានសេដ្ឋាកិច្ច No comments

ប្រភពមកពីកោះសន្តិភាព

រាជធានីភ្នំពេញ ៖ ក្រុមហ៊ុនផ្សារមូលបត្រកម្ពុជាបានប្រកាសលទ្ធផលការទិញលក់ភាគ ហ៊ុនរដ្ឋាករទឹកស្វយ័តរាជធានីភ្នំពេញលើកទី១ និងលើកទី២ ដែលបញ្ចប់នៅវេលាម៉ោង១១ និង៣០នាទីព្រឹក សម្រាប់ថ្ងៃទី០៣ ធ្នូ ២០១៣ ដល់សាធារណជនឱ្យបានជ្រាបថា តម្លៃមូលបត្រក្នុងការទិញដូរទាំង២លើក

អានបន្ត

កំពូលរថយន្តលក់ដាច់បំផុតលើពិភពលោកឆ្នាំ2013

3:39 AM ព័ត៌មានសេដ្ឋាកិច្ច No comments

ប្រភពមកពីកោះសន្តិភាព

ក្នុងរបាយការណ៍មួយផ្សាយថា អត្រាលក់ប្រចាំខែរបស់ក្រុមហ៊ុនរថយន្តលើពិភពលោករយៈពេល ៩ខែ ក្នុងឆ្នាំ២០១៣ នេះរថយន្តដែលលក់ដាច់បំផុតទូទាំងពិភពលោកមានចំនួន២៥ម៉ាកខុស គ្នា ។ ទិន្នន័យនេះគឺរាប់បញ្ចូលការលក់ប្រចាំខែនៅលើ៩០ទីផ្សារ ដែលចូលរួមពីរថយន្តជាង១០០យីហោ និង១.៥០០ម៉ាកខុសគ្នា ។ ចំពោះរថយន្តដែលលក់ដាច់បំផុតទូទាំងពិភពលោកដែលទទួលបានជ័យ លាភីជើងឯក៩ឆ្នាំជាប់ៗគ្នានោះ គឺ Toyota Corolla បន្ទាប់មកគឺរថយន្ត Ford Focus ដែលបានប្រកួតគ្នាយ៉ាងស្វិតស្វាញដើម្បីឈានទៅគ្រងតំណែងជ័យ លាភីនៅចុងឆ្នាំ២០១៣ ខាងមុននេះ ជាមួយនឹងអត្រាលក់ក្នុងចន្លោះតិចជាង១០.០០០គ្រឿង ។

ចាប់តាំងពីឆ្នាំចាស់មកទល់នឹងខែកញ្ញា ឆ្នាំ២០១៣ រថយន្ត Toyota Corolla លក់បាន៨៤២.៥០៧គ្រឿង ដែលគ្រោងនឹងលក់ឱ្យបានច្រើនជាង១,១លានគ្រឿង ក្នុងរយៈពេលពេញមួយឆ្នាំ២០១៣ ។ តួលេខនេះមិនរាប់បញ្ចូលអត្រាលក់របស់ Toyota Auris ដែលជាកងជំនួយលំដាប់ទី១៧២លក់បានជាង៨៦.០០០គ្រឿង ។ Ford Focus ឈរនៅលំដាប់លេខរៀងទី២ លក់បាន៨១៥.៤៥៦គ្រឿង ។ ចំណែក Ford F-Series និមិត្តរូបអាមេរិកលេខ៣ លក់បាន៦៥៧.៧៦៧គ្រឿង ការពារបានពីកំណើនដែលគួរឱ្យកត់សម្គាល់របស់ Hyundai Elantra ដែលតាមក្រោយក្នុងតំណែងលេខ៤លក់បាន៦២៩.៨៥០គ្រឿង ។ លេខ៥គឺ Toyota Camry លក់បាន៥៩៣.០៤០គ្រឿង តាមពីក្រោយដោយ Chevrolet លេខ៦ លក់បាន៥៣៧.៦៦០គ្រឿង ចំណែក Honda CR-V ទី៧ លក់បាន៥២០.១៥៧គ្រឿង ។

ទោះជាយ៉ាងណា មានរថយន្តបីម៉ាកផ្សេងគ្នាដែលនឹងប្រកួតប្រជែងជាមួយ CR-V រហូតដល់ដំណាច់ឆ្នាំ នេះ ។ បើងាកមកមើល Volkswagen Golf លេខរៀងទី៨ បាត់បង់១ពិន្ទុជាមួយនឹងអត្រាលក់បាន៥១៧.០២០គ្រឿង ហើយលេខ៩ Ford Fiesta លក់បាន៥១៥.៨៥៩គ្រឿង ។ កាលពីឆ្នាំ២០១២ អ្នកគ្រប់គ្រងតំណែងរថយន្តខ្នាតតូចគឺ Volkswagen Polo ដែលបច្ចុប្បន្នតោងពីក្រោយ Fiesta នៅក្នុងតំណែងទី១០លក់បាន៤.០០០គ្រឿង ។ Toyota Prius និមិត្តរូបរថយន្តម៉ាសុីនកូនកាត់ (Hybrid) លេខ១៤ ធ្លាក់៣ពិន្ទុពីឆ្នាំ២០១២ លក់បាន៤១៦.៦២០គ្រឿង ។ ដោយឡែក Wuling Honggnang របស់ចិនឈរលេខរៀងទី១៧លក់បាន៣.៧៨១.២០៦គ្រឿង ។

លេខ១៨ Buick Excelle លក់បាន៣៦៩.០៩៧គ្រឿង, លេខ១៩ Toyota Rav4 លក់បាន៣៦៧.៥៥គ្រឿង, លេខ២០ Wuling Sunshine លក់បាន៣៦៥.៨៣៨គ្រឿង, លេខ២១ Toyota Hilux លក់បាន៣៦៥.៤៨៧គ្រឿង, លេខ២២ Hyundai Sonata លក់បាន៣៣៨.៥៧៣គ្រឿង, លេខ២៣ Dodge Ram លក់បាន៣២៧.៤៩៧គ្រឿង, លេខ២៤ BMW 3 Series លក់បាន៣២៦.០៣៩គ្រឿង, លេខ២៥ Volkswagen Tiguan លក់បាន៣២៣.៧៦៩គ្រឿង, លេខ១១ Honda Civic លក់បាន៤៨៣.៣០៩គ្រឿង,លេខ១៥ Honda Accord លក់បាន៤០៥.២៣២គ្រឿង, លេខ១៦ Chevrolet Silverdo លក់បាន៤០១.២៣៤គ្រឿង, លេខ១៣ Volkswagen Jetta លក់បាន៤២៣.៤៤៧គ្រឿង, លេខ១២ Volkswagen Passat លក់បាន៤២៨.២១២គ្រឿង ៕

អានបន្ត

ក្រុមហ៊ុន Hyundai Motor Group ផ្តល់ជំនួយ60ម៉ឺន$ដល់កាកបាទក្រហមហ្វ៊ីលីពីន

3:26 AM ព័ត៌មានសេដ្ឋាកិច្ច No comments

ប្រភពមកពីកោះសន្តិភាព

ជាមួយនឹងជំនួយមនុស្សធម៌ជាទឹកប្រាក់៣០ម៉ឺនដុល្លារ ជូនដល់កាកបាទក្រហមហ្វ៊ីលីភីន ។ លើសពីនេះទៅទៀតការផ្តល់ជំនួយសរុបជាទឹកប្រាក់ប្រមាណជា ៦០ម៉ឺនដុល្លារអាមេរិក ។ នៅក្នុងការប្រគល់ជំនួយមនុស្សមធ៌នោះ មានការអញ្ជើញចូលរួមពីប្រធានក្រុមប្រឹក្សាភិបាលក្រុមហ៊ុន Hyundai Asia Resources,Inc. អគ្គនាយកទីចាត់ការកណ្តាលតំបន់អាស៊ីប៉ាស៊ីហ្វិករបស់ក្រុម ហ៊ុន Hyundai Motor គឺលោក Hoo-Keun Kim, ប្រធានកាកបាទក្រហមហ្វ៊ីលីភីន លោក Richard J.Gordon, នាយកគ្រប់គ្រងក្រុមហ៊ុន Kai Motors Corporation ក្នុងតំបន់ លោក Tae-Jin Park និងប្រធានក្រុុមហ៊ុន Columbian Autocar Corporation គឺលោក Jose ch.Alvarez ផងដែរ៕

អានបន្ត

តើមូលនិធិរូបិយវត្ថុអន្តរជាតិជាអ្វី?

3:20 AM ព័ត៌មានសេដ្ឋាកិច្ច No comments

បញ្ចូលអត្ថបទ ៖ ព្រះអាទិត្យ ប្រភពមកពីកោះសន្តិភាព

គេធ្លាប់តែឮថា ពាក្យថាIMF តែក៏មានអ្នកខ្លះមិនទាន់បានដឹងច្បាស់នៅឡើយថាតើIMF ជាអ្វីមានតួនាទីអ្វីនៅលើពិភពលោក ។ IMF មកពីពាក្យពេញថា មូលនិធិរូបិយវត្ថុអន្តរជាតិ(International Monetary Fund) IMFគឺជាភ្នាក់ងារអន្តររដ្ឋាភិបាលដែលធ្វើការដើម្បី រក្សាស្ថិរភាពអត្រាប្តូរប្រាក់ និងប្រព័ន្ធទូទាត់អន្តរជាតិ ។ ស្ថានប័ននេះរៀបចំចាត់ចែងប្រព័ន្ធខាងលើតាមរយៈការផ្តល់ ការគាំទ្រដល់ប្រទេសទាំងឡាយដែលធ្លាក់ចូលទៅក្នុងបញ្ហា សេដ្ឋកិច្ច ហើយបង្កការគំរាមកំហែងដល់សេដ្ឋកិច្ចសាកល ។

IMFត្រូវបានបង្កើតឡើងកាលពីឆ្នាំ១៩៤៥ បន្ទាប់ពីមានសន្និសីទរបស់អង្គការសហប្រជាជាតិនៅទីក្រុង Bretton Woods រដ្ឋញូវហែមសៀរ សហរដ្ឋអាមេរិក ។ កាលនោះប្រទេសទាំង៤៤ដែលចូលរួមក្នុងសន្និសីទនោះបានផ្តួច ផ្តើមមូលនិធិនេះឡើងជាសហប្រតិបត្តិការសេដ្ឋកិច្ចដែលអាច បញ្ចៀសមហន្តរាយនៃការធ្លាក់ថ្លៃរូបិយប័ណ្ណនៅលើពិភពលោក ។មនុស្សដំបូងដែលផ្តើមគំនិតបង្កើតមូលនិធិនេះឡើងគឺលោក ចន ម៉េណាដ ឃីណេស(John Maynard Keynes) និងលោកហារី ដិចទ័រវ៉ាយ(Harry Dexter White) ហើយស្ថាប័នដែលបានផ្តើមបង្កើតឡើងដំណាលគ្នានឹងIMFដែរ នោះគឺធនាគារពិភពលោក(World Bank) និងបានធ្វើការរួមគ្នាយ៉ាងជិតស្និទ្ធទៅវិញទៅមក ។ បច្ចុប្បន្នស្ថាប័នទាំងពីរនេះមានទីស្នាក់ការនៅទីក្រុងវ៉ាស៊ីង តោន សហរដ្ឋអាមេរិក ។
តើIMFធ្វើការអ្វីខ្លះ

តាមពិតទៅមុខងាររបស់IMFគឺធ្វើការជាអ្នក ផ្តល់ប្រឹក្សា និងផ្តល់កម្ចីដល់ប្រទេសទាំងឡាយណាដែលត្រូវការជំនួយផ្នែក សេដ្ឋកិច្ច ព្រមទាំងជំរុញកំណើនសាកលនិងស្ថេរភាពសេដ្ឋកិច្ច។ ប្រទេសជាសមាជិកទាំងអស់រួមចំណែកដល់ស្ថាប័ននេះនូវសាច់ ប្រាក់រួមគ្នាដែលត្រូវបានប្រើប្រាស់សម្រាប់កម្ចីដល់ប្រទេស ទាំងឡាយណាដែលប្រឈមមុខនឹងកាលៈទេសៈសេដ្ឋកិច្ចជ្រួលច្របល់ ។ ជាញឹកញយ ឥណទានទាំងនោះត្រូវបានបង្កើតឡើងផ្អែកលើការធានាថា គោលនយោបាយសេដ្ឋកិច្ចជាក់លាក់ និងបំពេញតាមគោលដៅប្រទេសខ្ចីប្រាក់ ។ តម្រូវការសំខាន់រួមមាន កំណែទម្រង់ថវិកា ការអនុវត្តពន្ធអាករ និងរបបរូបិយប័ណ្ណតម្រង់ទិសទីផ្សារ ។

យ៉ាងណាក៏ដោយ សម្រាប់អ្នកដែលគាំទ្រប្រតិបត្តិការរបស់IMFបានផ្តល់ ហេតុផលថា ការតម្រូវទាំងអស់សម្រាប់ឥណទានរបស់IMF គឺបានលើកកម្ពស់ការអនុវត្តសារពើពន្ធត្រឹមត្រូវ និងរួមចំណែកនៅក្នុងស្ថិរភាពសេដ្ឋកិច្ចសាកល និយាយឲ្យចំគឺផ្តល់ប្រយោជន៍ដល់បណ្តាប្រទេសជាសមាជិករបស់ IMFទាំងអស់ ។ ផ្ទុយទៅវិញ ក៏មានការរិះគន់នានាលើកឡើងថា IMFជាទូទៅត្រូវបានគ្រប់គ្រងដោយប្រទេសលោកខាងលិច ដែលចំនួនសំឡេងឆ្នោតរបស់ក្រុមប្រឹក្សាប្រតិបត្តិត្រូវបាន កំណត់ដោយឥទ្ធិពលសេដ្ឋកិច្ចប្រទេសមួយ ហើយជាលទ្ធិផលគោលនយោបាយរបស់ខ្លួនមានទំនោរគាំទ្រផល ប្រយោជន៍អាមេរិក និងអឺរ៉ុប ។

ហេតុអ្វីបានជាIMFមានសារសំខាន់ ? 

IMFបានរៀបចំយុទ្ធនាការដែលមានការចាប់ អារម្មណ៍ច្រើនដើម្បីស្តាររដ្ឋឯករាជ្យនានាដែលប្រឹងប្រែង កសាងប្រទេសទាំងត្រដាបត្រដួស ។ ជាការកត់សម្គាល់គេនៅចាំបានថា ការចូលរួមរបស់ស្ថាប័នមួយនេះជាមួយនឹងប្រទេសអាហ្សង់ទីន ចំពេលដែលប្រទេសនេះធ្លាក់ក្នុងវិបត្តិបំណុលកាលពីឆ្នាំ២០០១- ២០០២ ។ ជាពិសេស អាមេរិកឡាទីន មានប្រវត្តិសាស្ត្រដែលគេមិនអាចបំភ្លេចបានជាមួយIMF ហើយកាលពីឆ្នាំ១៩៨៦ IMFបានបញ្ឈប់កម្ចីដល់ប្រទេសប៉េរូ បន្ទាប់ពីប្រទេសនេះខកខានមិនបានធ្វើការទូទាត់សងបំណុលរបស់ ខ្លួន ។ IMF ក៏បានសហការផ្តល់ជំនួយហិរញ្ញវត្ថុលើកដំបូងដល់ប្រទេសម៉ិច ស៊ិកនៅក្នុងឆ្នាំ១៩៨២ ហើយម្តងទៀតនៅក្នុងឆ្នាំ១៩៩៥ ។

ត្រង់ចំណុចនេះIMFក៏រងនូវការរិះគន់ដែរ មានពេលខ្លះIMFត្រូវបានគេស្តីបន្ទោសចំពោះលក្ខខណ្ឌតឹងរ៉ឹងដែល ខ្លួនភ្ជាប់ជាមួយកម្មវិធីឥណទាន ដែលអ្នកខ្លះនិយាយថា ធ្វើឲ្យបញ្ហាសេដ្ឋកិច្ចក្នុងតំបន់កាន់តែធ្ងន់ធ្ងរ ។
ខាងក្រោមនេះជាប្រធានIMFចាប់ពីឆ្នាំ១៩៤៦រហូតមកទល់នឹងបច្ចុប្បន្ន៖
១.លោកCamille Gutt សញ្ជាតិបែលហ្ស៊ិច(១៩៤៦-១៩៥១)
២.លោក Ivar Rooth សញ្ជាតិស៊ុយអែត(១៩៥១-១៩៥៦)
៣.លោក Per Jacobsson សញ្ជាតិស៊ុយអែត(១៩៥៦-១៩៦៣)
៤.លោក Pierre-Paul Schweitzerសញ្ជាតិបារាំង(១៩៦៣-១៩៧៣)
៥.លោក Johan Witteveen សញ្ជាតិហូឡង់(១៩៧៣-១៩៧៨)
៦.លោក Jacques de Larosière សញ្ជាតិបារាំង (១៩៧៨-១៩៨៧)
៧.លោក Michel Camdessus សញ្ជាតិបារាំង (១៩៨៧-២០០០)
៨.លោកHorst Köhler សញ្ជាតិអាល្លឺម៉ង់(២០០០-២០០៤)
៩. លោកRodrigo Rato សញ្ជាតិអេស្បា៉ញ(២០០៤-២០០៧)
១០.លោកDominique Strauss-Kahn សញ្ជាតិបារាំង (២០០៧-២០១១)
១១.លោកស្រីChristine Lagardeសញ្ជាតិបារាំង(២០១១មកដល់បច្ចុប្បន្ន) ៕
ប្រភព៖ CNBC, Wikipedia

អានបន្ត

អ្នកទស្សនា

ម៉ោងនៅក្នុងប្រទេសកម្ពុជា

Translate

Visitor

Blogroll

អ្វីទាំអស់គឺល្អសម្រាប់ខ្ញុំ

This is default featured slide 2 title

This is default featured slide 3 title

This is default featured slide 4 title

This is default featured slide 5 title

Thursday, February 13, 2014

ក្រុមហ៊ុន Canon បានអភិវឌ្ឍន៍បច្ចេកវិទ្យាកាន់តែទំនើបនៅក្នុងវិស័យរូបថត

Tuesday, December 17, 2013

ពីទីផ្សារអចលនទ្រព្យទៅជាទីផ្សាររូបិយវត្ថុ

សៀងហៃគ្រោងបញ្ចប់ការសាងសង់អគារខ្ពស់បំផុតនៅឆ្នាំ២០១៥

Tuesday, December 3, 2013

លាំងលក់ម៉ូតូមានសភាពស្ងប់ស្ងាត់ខណៈពេលគយពង្រឹងការយកពន្ធនាំចូល

លទ្ធផលតម្លៃមូលបត្របិទទីផ្សារប្រចាំថ្ងៃទី03 ធ្នូ ២០១៣

កំពូលរថយន្តលក់ដាច់បំផុតលើពិភពលោកឆ្នាំ2013

ក្រុមហ៊ុន Hyundai Motor Group ផ្តល់ជំនួយ60ម៉ឺន$ដល់កាកបាទក្រហមហ្វ៊ីលីពីន

តើមូលនិធិរូបិយវត្ថុអន្តរជាតិជាអ្វី?

Blog Archive

Categories

Labels

Pages

អ្នកទស្សនា

ម៉ោងនៅក្នុងប្រទេសកម្ពុជា

Translate

Visitor

Blogroll

Thursday, February 13, 2014

Tuesday, December 17, 2013

Tuesday, December 3, 2013

Social Profiles

Blog Archive

Categories

Labels

Pages