ការិយាល័យបណ្ដុំព័ត៌មាន

Tuesday, February 11, 2014

ក្រុមហ៊ុន Google ឈរលំដាប់ថ្នាក់ទី2 ក្នុងទីផ្សារភាគហ៊ុន បន្ទាប់ពី Apple

យោងតាមគេហទំព័របរទេសចេញផ្សាយកាលពីពេលថ្មីៗនេះបានឱ្យដឹងថា ក្រុមហ៊ុន Google ទទួលបានចំណាត់ថ្នាក់លេខ២ ក្នុងទីផ្សារភាគហ៊ុនរបស់ពិភពលោក បន្ទាប់ពីច្រានទម្លាក់ក្រុមហ៊ុនយក្សអាមេរិក Exxon Mobil ដែលធ្លាប់កាន់កាប់តំណែងលេខ២ ក៏ប៉ុន្តែមិនអាចផ្តួលក្រុមហ៊ុនគូប្រជែងផ្នែកបច្ចេកវិទ្យារបស់ខ្លួនបាន គឺក្រុម Apple ។

ភាគហ៊ុនរបស់ Google បានធ្លាក់ចុះ០,៣៨% គឺធ្លាក់ចុះខ្លាំងជាងក្រុមហ៊ុនអាមេរិក Exxon Mobil តែទោះជាយ៉ាងណាក៏ដោយ Google នៅតែឈរលំដាប់លេខ២ ។ ទីផ្សាររបស់ Google ត្រូវបានព្យាករពេលបិទទីផ្សារជួញដូរគឺមានតម្លៃ៣៩៤ពាន់លានដុល្លារ បើប្រៀបធៀបជាមួយនឹងភាគហ៊ុនរបស់ Exxon Mobil មានត្រឹមតែ៣៨៨ពាន់លានដុល្លារ ខណៈពេលដែលក្រុមហ៊ុនចំណាត់ថ្នាក់លេខ១ របស់ពិភពលោក Apple មានចំនួន៤៧២ពាន់លានដុល្លារ ។

កាលពីថ្ងៃចន្ទ ភាគហ៊ុនរបស់ Exxon Mobil បានធ្លាក់ចុះ១,១៧% គឺស្មើនឹង៨៩,៥៣ដុល្លារ ក្នុង១ហ៊ុន ដែលតួលេខនេះបានធ្វើឱ្យក្រុមហ៊ុនខាតបង់១១,៥% សម្រាប់ឆ្នាំ២០១៣ ។ ថ្វីបើភាគហ៊ុនរបស់ Google មានការធ្លាក់ចុះកាលពីថ្ងៃចន្ទ ក៏ពិតមែន តែភាគហ៊ុនមួយនេះមានសន្ទុះទ្វេដង ចាប់តាំងពីខែកក្កដា ឆ្នាំ២០១២មកម៉្លេះ ។ តាមរយៈតួលេខខាងលើនេះ បានធ្វើឱ្យក្រុមហ៊ុនប្រព័ន្ធអុីនធើរណេត ដែលមានមូលដ្ឋានក្នុងរដ្ឋកាលីហ្វ័រនីញ៉ា សហរដ្ឋអាមេរិកមួយនេះ នឹងក្លាយជាបណ្តាញផ្សព្វផ្សាយពាណិជ្ជកម្មតាមប្រពន្ធអេឡិចត្រូនិកដ៏ធំនៅលើពិភពលោក ៕

អានបន្ត

Saturday, January 25, 2014

ឃាត់ខ្លួនយុវជន រពឹសដៃមា្នក់លួចគាស់ផ្ទះយកទ្រព្យសម្បត្តិប្រជាពលរដ្ឋពេលយប់

3:21 AM ព័ត៌មានក្នុងប្រទេស No comments

ប្រភពមកពីកោះសន្តិភាព

ខេត្តបាត់ដំបង ៖ យុវជនរពឹសដៃម្នាក់ លួចគាស់ផ្ទះប្រជាពលរដ្ឋ យកទ្រព្យសម្បត្តិនៅពេលយប់ ត្រូវកម្លាំងនគរបាលអធិការដ្ឋាន ស្រុកសំពៅលូន សហការជាមួយ សមត្ថកិច្ចនគរបាលវរការពារព្រំដែនគោក៨១៧ នៃស្នងការដ្ឋានខេត្ត ចុះឃាត់ខ្លួន កាលពីវេលាម៉ោង១និង៤៥នាទីរសៀលថ្ងៃទី២៥ មករា ២០១៤ ស្ថិតនៅក្នុងភូមិរស្មី ឃុំជ្រៃសីម៉ា ស្រុកសំពៅលូន ។

លោកអនុសេនីយ៍ទោ ឈិត សេង អធិការរងនគរបាលស្រុកសំពៅលូន បានឲ្យដឹងថា ការឃាត់ខ្លួនយុវជនសង្ស័យរូបនេះ យោងតាម ពាក្យបណ្តឹង ពីជនរងគ្រោះម្នាក់ឈ្មោះយ៉ុត ហ៊ាប ភេទប្រុស អាយុ៣៩ឆ្នាំ អ្នកបើកហាងលក់ ទូរសព្ទ័ដៃ រស់នៅក្នុងភូមិកើតហេតុ បានប្តឹងថា មានចោរលួចគាស់ផ្ទះយកព្រទ្យ សម្បត្តិ កាលពីយប់រំលងអធ្រាត្រឈានចូល ថ្ងៃទី២៥ មករា ។

ជនសង្ស័យឃាត់ខ្លួន ឈ្មោះឈិន ម៉ាប់ ភេទប្រុស អាយុ២១ឆ្នាំ រស់នៅក្នុងភូមិឃុំជាមួយជនរងគ្រោះ ។ ការឃាត់ខ្លួននេះធ្វើឡើង បន្ទាប់ពីជនសង្ស័យរូបនេះ បានយកទូរសព្ទ័ដែលលួចបាន យកទៅលក់ឲ្យមិត្តភក្តិរបស់ខ្លួនម្នាក់ទៀត ហើយក៏ត្រូវសមត្ថកិច្ច ឃាត់ខ្លួនភ្លាមៗ និងបន្តមក ឆែកឆេរ នៅក្នុងផ្ទះ របស់ជនសង្ស័យរកឃើញ វត្ថុតាងមាន កាតទូរសព្ទ័ ស៊ីមកាតមួយចំនួន និងរួមទាំងទូរសព្ទ័ដៃ ផលិតនៅប្រទេសចិន សេរីចម្រុះ ជាង៣០គ្រឿង ដោយសរុបជាទឹកប្រាក់ ប្រមាណ ជាង១០០០ដុល្លារ។

សមត្ថកិច្ចបានបញ្ជាក់ថា ក្រោយពីឃាត់ខ្លួនជនសង្ស័យបានឆ្លើយសារភាពពីកំហុសឆ្គងថា ខ្លួនពិតជាបានប្រព្តឹត្តអំពើល្មើសច្បាប់មែន និងរួមទាំង វត្ថុតាង ត្រូវសមត្ថកិច្ច កសាងសំណុំរឿង បញ្ជូនទៅស្នងការដ្ឋាននគរបាលខេត្ត ចាត់ការតាមនិតិវិធី ៕

អានបន្ត

Friday, January 24, 2014

លីកកំពូលរដូវកាលថ្មីចាប់ផ្តើមនៅថ្ងៃនេះហើយ

2:35 AM ព័ត៌មានក្រៅប្រទេស No comments

ប្រភពមកពីកោះសន្តិភាព

រាជធានីភ្នំពេញ ៖ ស្របពេលដែលការប្រកួតបាល់ទាត់ពានរង្វាន់ Hun Sen Cup ប្រចាំឆ្នាំ២០១៤ កំពុងស្ថិតនៅក្នុងវគ្គប្រកួតជម្រុះស្វែងរកជើងខ្លាំងប្រជែងយក ពានរង្វាន់នោះ ការប្រកួតបាល់ទាត់ជ្រើសរើសជើងឯកថ្នាក់ជាតិប្រចាំឆ្នាំ២០១៤ ឬ Metfone Cambodian League រដូវកាល២០១៤ (MCL2014)ក៏ចាប់ផ្តើមនៅថ្ងៃនេះ(២៥មករា) និងគ្រោងបញ្ចប់នៅថ្ងៃទី៣១ សីហា ឆ្នាំ ២០១៤ ផងដែរ ។ នេះបើយោងតាមកម្មវិធីប្រកួតរបស់សហព័ន្ធកីឡាបាល់ទាត់កម្ពុជា ដែលកោះសន្តិភាពទទួលបាន ។

សម្រាប់ការប្រកួតនៅថ្ងៃទី២៥ មករា ជាថ្ងៃបើកឆាកដំបូងនេះ ក្រុមបាល់ទាត់ចម្ការកៅស៊ូបឹងកេតដែលកាលពីថ្ងៃទី២២ មករា បានយកឈ្នះក្រុមខេត្តក្រចេះ ក្នុងលទ្ធផល១៧ទល់១ នៃព្រឹត្តិការណ៍បាល់ទាត់ Hun Sen Cup នោះ ត្រូវជួបប្រកួតជាមួយក្រុមចំណូលថ្មី Albirex Niigata វេលាម៉ោង៣និង៤៥នាទីរសៀល នៅទីលានកីឡដ្ឋានកងយោធពលខេមរភូមិន្ទ(ស្តាតចាស់)។ ចំណែកនៅពហុកីឡដ្ឋានជាតិអូឡាំពិកដែលមានលេង២ប្រកួតនោះ ក្រុមគិរីវង់សុខសែនជ័យ ជួបប្រកួតជាមួយក្រុមអគ្គស្នងការដ្ឋាននគរបាលជាតិ នៅវេលាម៉ោង៣និង៣០នាទីរសៀល និងក្រុមបៀលប្រាយយូណាយធីតប្រកួតជាមួយក្រុម TriAsia (ខេត្តកណ្តាល) វេលាម៉ោង៦ល្ងាច ។

គួរបញ្ជាក់ថា League ឆ្នាំ២០១៤នេះ គឺមានចំនួន១២ក្រុម កើនជាងឆ្នាំមុនៗចំនួន២ក្រុម បន្ទាប់ពីសហព័ន្ធសម្រេចអនុម័តបន្ថែមក្រុមចំណូលថ្មី២ក្រុមទៀត គឺក្រុម Albirex Niigata Phnom Penh និងក្រុម Western Uni FC ។ ចំណែក១០ក្រុមទៀតរួមមាន ក្រុមខេត្តស្វាយរៀង ម្ចាស់ជើងឯករដូវកាលចាស់, ក្រុមភ្នំពេញក្រោន, ក្រុមចម្ការកៅស៊ូបឹងកេត, ក្រុមគិរីវង់សុខសែនជ័យ, ក្រុមបៀលប្រាយយូណាយធីត ក្រុមអគ្គស្នងការដ្ឋាននគរបាលជាតិ, ក្រុមណាហ្គាខប, ក្រុមក្រសួងការពារជាតិ, ក្រុម TriAsia (ខេត្តកណ្តាល) និងក្រុមសាកលវិទ្យាល័យអាសីុអឺរ៉ុប ។ ចំពោះលក្ខខណ្ឌនៃការប្រកួត គឺខុសពីឆ្នាំមុនៗព្រោះរដូវកាលថ្មីនេះ សហព័ន្ធបានសម្រេចផ្លាស់ប្តូរលក្ខខណ្ឌប្រកួតដោយរក្សាការប្រកួត សន្សំពិន្ទុវិលជុំចំនួន២ជុំដដែល ប៉ុន្តែមិនមានវគ្គពាក់កណ្តាលផ្តាច់ព្រ័ត្រឬផ្តាច់ព្រ័ត្រ(វគ្គ Play-Off) ឡើយ ពោលគឺនៅក្នុងការប្រកួតសន្សំពិន្ទុ២ជុំ ប្រសិនបើក្រុមណាសន្សំពិន្ទុបានច្រើនជាងគេក្រុមនោះត្រូវលើក ពានដោយស្វ័យប្រវត្តិតែម្តង ។ តើក្រុមកំពូលៗរបស់លីកឆ្នាំចាស់ទាំងនេះមានយុទ្ធសាស្ត្របែបណា ដើម្បីដណ្តើមក៏ដូចជារក្សាតំណែងជើងឯករបស់ខ្លួន?ដូច្នេះសូមរង់ ចាំតាមដានទាំងអស់គ្នា ៕

អានបន្ត

Friday, January 17, 2014

ជីវិតផ្លាស់របស់ប្រជាជន

3:39 AM ព័ត៌មានក្នុងប្រទេស No comments

ព្រះសីហនុ៖ កាលពីថ្ងៃទី៩ ខែមករា ឆ្នាំ២០១៤ វេលាម៉ោង៣:៤០នាទីពេលល្ងាច លោក បឹង ឆេងនិងភរិយាមានទីកំណើតនូវ ស្រុក កំពុងត្រាច ខេត្តកំពតបានផ្លាស់ទីមករស់នៅ ខេត្តព្រះសីហនុអស់រយៈពេល ជាង ១៤ឆ្នាំកន្លងមកហើយ។ ដែលបានមករស់នៅក្នុងភូមិស្ពានឆេះ សង្កាត់៤ខ័ណ្ឌអូត្រែសខេត្តព្រះសីហនុរហូតដល់បច្ចុប្បន្ននេះគាត់មានសាមាជិតចំនួន៦នាក់នៅក្នុងបន្ទុកគ្រួសាររបស់គាត់។រៀបអាពាហ៏ពិពាហ៏ហើយចំនួន២នាក់និងនៅលីវចំនួន២នាក់ទៀត។លោក បឹង ឆេង ប្រកបការងារនេសាទជារៀងរាល់ថ្ងៃ គាត់ចាប់ផ្ដើមចេញនេសាទនៅម៉ោង ៧ ៨ ពេលល្ងាច ក្នុងមួយថ្ងៃគាត់អាចរកត្រីបានចំនួនប្រហែលជា៥ទៅ៦គីឡូតែប៉ុណ្ណោះ ពីព្រោះគាត់ចេញនេសាទតែខាងៗសមុទ្រ(ទឹករាក់ៗ)នៅពេលត្រឡប់មកវិញគាត់ចាប់ផ្ដើមបោះត្រីាចអោយឈ្មួញដែលមកទិញដល់ទីកន្លែងតែម្ដង់។គាត់អាចទទួលកំរៃពីការងាររបស់គាត់នៅទឹកប្រាក់ចំនួន ៦ឫ៧ពាន់រៀលសម្រាប់យកទៅផ្គត់ផ្គងជីវភាពប្រចាំថ្ងៃ។នៅទីនោះមានគ្រួសាររស់នៅចំនួនប្រហែលជា ៧៥ គ្រួសារដែលមករស់នៅទីនោះ។

អានបន្ត

Monday, January 13, 2014

អត្តពលិកជនពិការ ទៅដល់ប្រទេសមីយ៉ាន់ម៉ា ខិតខំហ្វឹកហាត់បង្កើនកម្រិតបច្ចេកទេស

2:28 AM ព័ត៌មានកីឡា No comments

ប្រភពមកពីកោះសន្ដិភាព

បនៅថ្ងៃទី១៤ មករា ២០១៤ ស្អែកនេះ ការប្រកួតកីឡាអាស៊ាន ប៉ារ៉ាហ្គេមលើកទី៧ នឹងត្រូវរៀបចំជាផ្លូវការហើយ ខណៈក្រុមកីឡាករ កីឡាការិនីកម្ពុជា បានទៅដល់ទីក្រុងណៃពីដោត ប្រទេសមីយ៉ាន់ម៉ា កាលពីយប់ថ្ងៃទី១១ មករា និងបានខិតខំហ្វឹកហាត់ ដើម្បីបង្កើនកម្រិតបច្ចេកទេស ។ សម្រាប់ការចូលរួមនេះ កម្ពុជាប្រកួតលើ៤ប្រភេទវិញ្ញាសារួមមាន បាល់ទះអង្គុយ ហែលទឹក រទេះប្រណាំង និងអត្តពលកម្ម ។

នៅព្រឹកថ្ងៃទី១៣ មករា ក្រុមកីឡាបាល់ទះអង្គុយបានធ្វើការហ្វឹកហាត់យ៉ាងសស្រាក់សស្រាំ ដោយមានគ្រូពេទ្យម្នាក់តាមជាប់ជាមួយ ដើម្បីត្រួតពិនិត្យនិងថែទាំបញ្ហាសុខភាពយ៉ាងជាប់លាប់ ។

លោក យីម វណ្ណា គ្រូបង្វឹកបានបង្ហាញក្ដីសប្បាយរីករាយ ដោយពិនិត្យឃើញថា មិនមានបញ្ហាអ្វីប៉ះពាល់ដល់សុខភាពកីឡាករ ។

សូមបញ្ជាក់ថា កាលពីប្រកួតអាស៊ានប៉ារ៉ាហ្គេមលើកទី៦ នៅប្រទេសឥណ្ឌូនេស៊ី ក្រុមកីឡាបាល់ទះអង្គុយកម្ពុជា ដែលមិនធ្លាប់មានបទពិសោធន៍ ទទួលបានចំណាត់ថ្នាក់លេខ៤ ប៉ុន្តែលើកទី៧នេះទាំងកីឡាករ គ្រូបង្វឹកនិងអ្នកដឹកនាំសុទ្ធតែមានជំនឿចិត្តថានឹងដណ្ដើមបានមេដាយជូនជាតិឱ្យខាងតែបាន ។

អានបន្ត

ពៅ លីដា រវល់ច្រើនក្នុងស្រុក បដិសេធចេញសម្តែងនៅបរទេស

2:23 AM សិល្ប: No comments

ប្រភពពីកោះសន្ដិភាព

រាជធានីភ្នំពេញ ៖ តារាសម្តែងសម្បុរខ្មៅស្រអែម កញ្ញាពៅ លីដា ត្រូវបងប្អូនខ្មែរយើងនៅក្រៅប្រទេស ស្នើសុំឱ្យនាងទៅសម្តែង ប្រសិនជានាងមានពេលគ្រប់គ្រាន់ ។ ដំណឹងល្អនេះ ពៅ លីដា មិនអាចបំពេញបានទេ ពេញ១ឆ្នាំ២០១៤នេះ ដោយសារតែនាងសម្លឹងឃើញឱកាសសិល្បៈនៅក្នុងប្រទេសល្អជាងក្រៅប្រទេស ។

តារាសម្តែងមានទម្រង់មុខបែបខ្មែរ ពិតៗនាងពៅ លីដា បានច្រានចោលគម្រោងស្រូបយកប្រាក់នៅក្រៅប្រទេសដោយមិនចង់ទៅខ្លាំងដូចតារាមួយចំនួនឡើយ ។ ចំណុចដែលលីដាច្រានចោលការសម្តែងនៅបរទេស ដោយសារតែក្នុងរដូវកាលឆ្នាំថ្មី២០១៤នេះ នាងត្រូវទទួលការងារជាបន្តបន្ទាប់ ដែលសុទ្ធសឹងតែជាការងារសិល្បៈមានភាពល្អប្រសើរ មិនថាតែខ្សែភាពយន្ត ច្រៀងតាមស្ថានីយទូរទស្សន៍ ឬការដើរបង្ហាញម៉ូដឡើយ គឺនាងចង់ទុកពេលនៅក្នុងស្រុកឱ្យបានច្រើន ដើម្បីស្ទាបស្ទង់ប្រជាប្រិយភាពឆ្នាំថ្មីនេះស្ទុះដល់កម្រិតណា ។

លើសពីនេះបើនិយាយពីកម្មវិធីប្រកួតលើកពានរង្វាន់អប្សរាឆ្នាំ២០១៤ វគ្គថ្មីនេះ គឺតម្រូវឱ្យនាងប្រកួតពេញមួយឆ្នាំតែម្តង មុននឹងឆ្លងទៅយកជ័យលាភីលើកពានរង្វាន់នាចុងឆ្នាំ ។ ការពិតលោកហ្វៃ សំអាង មិនបានហាមឃាត់ ឬបិទផ្លូវមិនឱ្យច្រៀង សម្តែងនៅក្រៅប្រទេសទេ តែមកពីនាងយល់ថា ចង់នៅប្រកួតឱ្យបានពេញមុខ និងចង់ដកបទពិសោធន៍ជាមួយទម្រង់សិល្បៈ ប្លែកៗផងនោះ ទើបនាងសម្រេចចិត្តមិនចេញទៅសម្តែងនៅបរទេស ។

តារាសម្តែងដែលប្រសូតចេញពីកម្មវិធីប្រឡងកញ្ញាឯកប្រ៊ីតស្តុនរូបនេះលើកឡើងកាលពីពេល ថ្មីៗនេះថា នាងលើកហេតុផលបែបនេះមិនមែនមកពីលើកតម្លៃខ្លួនរហូតមិនចេញសម្តែងនៅក្រៅប្រទេសឡើយ ការណ៍ពិតនាងក៏ទៅសម្តែងជូនបងប្អូនខ្មែរនៅក្រៅប្រទេសដែរ ដើម្បីស្រូបយកប្រជាប្រិយភាព តែមកពីឆ្នាំនេះទៅមិនរួច រកចន្លោះមិនឃើញ ។ នាងនឹងបន្តការសម្តែងនៅប្រទេសក្រៅនៅឆ្នាំក្រោយដោយមានអ្នករៀបចំកម្មវិធីមួយនៅអាមេរិក បានមកទាក់ទង ហើយទុកពេលឱ្យនាងប្រឡូកការងារក្នុងស្រុកពេញ១ឆ្នាំ២០១៤ ។

លើសពីនេះខណៈបិទផ្លូវចេញទៅនាយសមុទ្រ នាងបានសម្រុកថតតាមផលិតកម្មជាបន្តបន្ទាប់ ដូចជាថតបទចម្រៀងពីជំនាន់មុនឱ្យផលិតកម្មរស្មីហង្សមាស ហើយមានផលិតកម្មផ្សេងទៀតដូចជាសាន់ដេ ថោន ក៏នាងចូលរួមថតជាហូរហែ បូករួមទាំងធ្វើជាពិធីការិនីមួយទៀត ។ រវល់ច្រើនបែបនោះហើយ ទើបចងជើងនាងមិនអាចទៅណាកើត ។ ពៅ លីដា រំពឹងថា នាងប្រឹងបញ្ចេញទេពកោសល្យក្នុងឆ្នាំនេះ ពិតជាអាចស្រូបយកប្រជាប្រិយភាពបានលើសពេលណាទាំងអស់ជាក់ជាមិនខាន ៕

អានបន្ត

គណៈកម្មការជាតិសុវត្ថិភាពចរាចរណ៏ផ្លូវគោក បើកកិច្ចប្រជុំជាមួយប្រទេសម្ចាស់ជំនួយនៅព្រឹកស្អែក

2:20 AM ព័ត៌មានក្នុងប្រទេស No comments

ប្រភពមកពីកោះសន្ដិភាព

រាជធានីភ្នំពេញ៖ គណៈកម្មការជាតិសុវត្ថិភាពចរាចរណ៏ផ្លូវគោក សហការជាមួយអង្គការដៃគូដែលធ្វើការងារពាក់ព័ន្ឋនឹងសុវត្ថិភាពចរាចរណ៏ផ្លូវគោកនៅកម្ពុជា នឹងរៀបចំកិច្ចប្រជុំជាមួយបណ្តាប្រទេសម្ចាស់ជំនួយ ស្តីពីគម្រោងផ្តល់ជំនួយនិងរកយុទ្ឋសាស្រ្តក្នុងការកាត់បន្ថយគ្រោះថ្នាក់ចរាចរណ៏ ។

បើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ឲ្យដឹងដែរថា តាមគម្រោងកិច្ចប្រជុំដែលមានរយៈពេល៥ឆ្នំាម្តងនេះ នឹងបា្ររព្ឋធ្វើនៅសណ្ឋាគារសាន់វេ នាព្រឹកថ្ងៃទី១៤ មករា ២០១៤ ក្រោមអធិបតីភាព លោក ត្រំា អ៊ីវតឹក រដ្ឋមន្រ្តីក្រសួងសាធារណការនិងដឹកជញ្ជូន និងមានការចូលរួមពីអស់លោក លោកស្រីតំណាងស្ថានទូត ប្រទេសផ្តល់ជំនួយ ព្រមទំាងតំណាងអង្គការក្រៅរដ្ឋាភិបាលជាតិ-អន្តរជាតិ ដែលធ្វើការងារពាក់ព័ន្ឋនឹងសុវត្ថិភាពចរាចរណ៏ផ្លូវគោកជាច្រើនរូបទៀត ៕

អានបន្ត

អ្នកទស្សនា

ម៉ោងនៅក្នុងប្រទេសកម្ពុជា

Translate

Visitor

Blogroll

អ្វីទាំអស់គឺល្អសម្រាប់ខ្ញុំ

This is default featured slide 2 title

This is default featured slide 3 title

This is default featured slide 4 title

This is default featured slide 5 title

Tuesday, February 11, 2014

ក្រុមហ៊ុន Google ឈរលំដាប់ថ្នាក់ទី2 ក្នុងទីផ្សារភាគហ៊ុន បន្ទាប់ពី Apple

Saturday, January 25, 2014

ឃាត់ខ្លួនយុវជន រពឹសដៃមា្នក់លួចគាស់ផ្ទះយកទ្រព្យសម្បត្តិប្រជាពលរដ្ឋពេលយប់

Friday, January 24, 2014

លីកកំពូលរដូវកាលថ្មីចាប់ផ្តើមនៅថ្ងៃនេះហើយ

Friday, January 17, 2014

ជីវិតផ្លាស់របស់ប្រជាជន

Monday, January 13, 2014

អត្តពលិកជនពិការ ទៅដល់ប្រទេសមីយ៉ាន់ម៉ា ខិតខំហ្វឹកហាត់បង្កើនកម្រិតបច្ចេកទេស

ពៅ លីដា រវល់ច្រើនក្នុងស្រុក បដិសេធចេញសម្តែងនៅបរទេស

គណៈកម្មការជាតិសុវត្ថិភាពចរាចរណ៏ផ្លូវគោក បើកកិច្ចប្រជុំជាមួយប្រទេសម្ចាស់ជំនួយនៅព្រឹកស្អែក

Blog Archive

Categories

Labels

Pages

អ្នកទស្សនា

ម៉ោងនៅក្នុងប្រទេសកម្ពុជា

Translate

Visitor

Blogroll

Tuesday, February 11, 2014

Saturday, January 25, 2014

Friday, January 24, 2014

Friday, January 17, 2014

Monday, January 13, 2014

Social Profiles

Blog Archive

Categories

Labels

Pages