ការិយាល័យបណ្ដុំព័ត៌មាន

Monday, February 17, 2014

ប្រាក់យាន់ចិនបោះជំហានមួយកម្រិតទៀតក្នុងការក្លាយជារូបិយប័ណ្ណពិភពលោក

ប្រតិបត្តិករទីផ្សារមូលបត្រអូស្ត្រាលីASX និងធនាគារចិនបាននិយាយកាលពីថ្ងៃអង្គារថា គេនឹងផ្តល់សេវាទូទាត់ប្រាក់យាន់ដល់ទីផ្សារហិរញ្ញវត្ថុអូស្ត្រាលីនិងចិននៅពាក់កណ្តាលឆ្នាំនេះ ដែលនេះបង្ហាញឲ្យឃើញពីការបោះជំហានថ្មីមួយទៀតនៃប្រាក់យាន់ក្នុងនាមជារូបិយប័ណ្ណពិភពលោក ។

យោងតាមរបាយការណ៍ពីប្រព័ន្ធផ្សព្វផ្សាយ ក្នុងស្រុកបានឲ្យដឹងថា ប្រទេសចិនគឺជាដៃគូរ ពាណិជ្ជកម្មធំបំផុតរបស់អូស្ត្រាលី ហើយក្រុមហ៊ុនអូស្ត្រាលីភាគច្រើនបាននិងកំពុងដោះដូរពាណិជ្ជកម្មជាប្រាក់យាន់ជាជាងប្រាក់ដុល្លារអាមេរិក ។ ASXនិយាយថា សេវាទូទាត់ប្រាក់យាន់ថ្មីនេះនឹងអនុញ្ញាតឲ្យក្រុមហ៊ុនអូស្ត្រាលីទាំងអស់ធ្វើពាណិជ្ជកម្ម និងវិនិយោគទុនជាមួយប្រទេសចិនតាមរយៈផ្សារមូលបត្រASXដែលមានហេដ្ឋារចនាសម្ព័ន្ធទីផ្សារច្បាស់លាស់ ។

លោកArthur Sinodinos អគ្គហិរញ្ញិករងរបស់អូស្ត្រាលីបានប្រាប់សារព័ត៌មានCNBC ថាថ្ងៃនេះគឺជាព្រឹត្តិការណ៍ប្រវត្តិសាស្ត្រដែលប្រទេសចិននិងអូស្ត្រាលីបានធ្វើដំណើររួមគ្នា ។ អជ្ញាធរចិនបាននិងកំពុងបង្កើនកិច្ចប្រឹងប្រែងដើម្បីពង្រឹងការប្រើប្រាស់ប្រាក់យាន់ដែលត្រូវបានគ្រប់គ្រងយ៉ាងតឹងរ៉ឹងដោយទីក្រុងប៉េកាំង ។ កាលពីខែតុលា កន្លងទៅ ចិនក៏បានចុះកិច្ចព្រមព្រៀងដោះដូររូបិយប័ណ្ណជាមួយតំបន់ចាយប្រាក់អឺរ៉ូ ។

ធនាគារBank of International Settlement បាននិយាយកាលពីខែកញ្ញាថា ប្រាក់យាន់ចិនគឺជារូបិយប័ណ្ណមួយក្នុងចំណោមរូបិយប័ណ្ណទាំង១០ដែលធ្វើការដោះដូរច្រើនបំផុតនៅលើពិភពលោក ។ លោកSinodinosបន្ថែមថា អូស្ត្រាលីមិនមានការបារម្ភពីសញ្ញាថ្មីៗដែលថា សេដ្ឋកិច្ចរបស់ចិនកំពុងបាត់បង់សន្ទុះនោះទេ ។ អូស្ត្រាលីមានទស្សន វិស័យវែងឆ្ងាយចំពោះទំនាក់ទំនងជាមួយចិន ។ ចិនកំពុងឆ្លងកាត់អន្តរកាលមួយ ដែលនឹងនាំទៅរកកំណើនផ្អែកលើការប្រើប្រាស់ ហើយវានឹងនាំទៅរកតម្រូវការដែលកើនឡើងសម្រាប់ផលិតផលនិងសេវាកម្មដែលបានធ្វើពិពិធកម្មជាច្រើន ៕

អានបន្ត

ឆៃលី ដាឡែន ធ្វើខួបកំណើតលើករាសីក្រោយបានឱកាសឡើងសម្តែងតាមទូរទស្សន៍វិញ ឆៃលី ដាឡែន ធ្វើខួបកំណើតលើករាសីក្រោយបានឱកាសឡើងសម្តែងតាមទូរទស្សន៍វិញ

11:14 PM ព័ត៌មានក្នុងប្រទេស No comments

ប្រភពមកពីកោះសន្ដិភាព

រាជធានីភ្នំពេញ ៖ តារាចម្រៀងយេៗ នាងឆៃលី ដាឡែន កាលពីរាត្រីថ្ងៃទី១៧ កុម្ភៈ២០១៤ បានរៀបចំពិធីខួបកំណើតក្នុងទ្រង់ទ្រាយធំល្មមមួយនៅក្នុងភោជនីយដ្ឋានវីហ្វ្រែនខាងក្រោយបុរីកីឡា ដោយមានការចូលរួមពីតារាល្បីៗមួយចំនួនផងដែរ។

នាងឆៃលី ដាឡែន ដែលតុបតែងខ្លួនយ៉ាងឆើតឆាយ និងញញឹមស្រស់ក្នុងពិធីខួបកំណើតបានឱ្យដឹងថា នាងធ្វើខួបកំណើតដើម្បីជូនពរខ្លួនឯងដែលមានឱកាសឡើងសម្តែងតាមប៉ុស្តិ៍ទូរទស្សន៍វិញ ក្រោយផ្អាកជិត២ឆ្នាំ បន្ទាប់ពីបែកធ្លាយរូបភាពសិចស៊ីជ្រុលរបស់នាង។

ដើម្បីឆ្លងផុតភាពអាប់អួរនាងក៏សម្រេចចិត្តធ្វើពិធីខួបកំណើតនេះឡើង ដោយរៀបចំចំនួន១០តុ ហើយអញ្ជើញតែភ្ញៀវជិតស្និទ្ធប៉ុណ្ណោះ។

សូមបញ្ជាក់ថា តារាដែលបានបង្ហាញវត្តមាននារាត្រីនោះ រួមមាន លោកករុណា ពេជ្រ, លោកសុគន្ធ ថេរ៉ាយុ, អ្នកនាងឈួន ស្រីម៉ៅ, ម៉ាដូណា, កញ្ញាស្រីពេជ្រ កញ្ញា, ឡោម លក្ខិណា, កញ្ញាលី ច័ន្ទសីហា,ថន តារា និងម្ចាស់ផលិតកម្មរៃមាស តោមាសជាដើម៕

អានបន្ត

សម្តេច ហ៊ុន សែន អញ្ជើញជាអធិបតីប្រគល់សញ្ញាបត្រ និង វិញ្ញាបនបត្រដល់សិស្សសាលាភូមិន្ទរដ្ឋបាល

1:56 AM ព័ត៌មានក្នុងប្រទេស No comments

ប្រភពមកពីកោះសន្ដិភាព

រាជធានីភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីប្រគល់សញ្ញាបត្រ ដល់សិស្សមន្រ្តីជាន់ខ្ពស់ជំនាន់កំណែទម្រង់រដ្ឋ សិស្សមន្រ្តីក្រមការជំនាន់ភក្តីភាព និង វិញ្ញាបនបត្រដល់កម្មសិក្សាការីមន្រ្តីជាន់ខ្ពស់-មន្រ្តីមធ្យមឆ្នាំ២០១៣ ព្រមទំាងបើកវគ្គបណ្តុះបណ្តាល និងវិក្រឹតការឆ្នាំ២០១៤ ។

ពិធីប្រគល់សញ្ញាបត្រ និងវិញ្ញាបនបត្រខាងលើនេះ ប្រព្រឹត្តធ្វើនៅវិទ្យាស្ថានជាតិអប់រំក្បែរវិមានឯករាជ្យ ក្នុងរាជធានីភ្នំពេញ នាព្រឹកថ្ងៃទី១៧ កុម្ភៈ ២០១៤ស្អែកនេះ ។

ពិធីនេះមានការអញ្ជើញចូលរួមផងដែរពីអស់លោក លោកស្រីជាឧបនាយករដ្ឋមន្រ្តី រដ្ឋមន្រ្តី សមាជិកសមាជិកាព្រឹទ្ឋសភា រដ្ឋសភា រាជរដ្ឋាភិបាលនិងសិស្សសាលាភូមិន្ទរដ្ឋបាល ជាច្រើនរូបទៀត ៕

អានបន្ត

រូបកាយ ក្នុងរឿង The Parallel

1:52 AM សិល្ប៏, សិល្ប: No comments

ប្រភពមកពីកោះសន្ដិភាព

មកដល់ថ្មីទៀតហើយខ្សែភាពយន្តថៃ មានចំណងជើងថា The Parallel ដែលនាំចូល និងចែកចាយដោយក្រុមហ៊ុន Westec Media Limited។ ខ្សែភាពយន្តនេះផងដែល គឺជាខ្សែភាពយន្តដែលបង្កប់ទៅដោយឈុតឆាក ភ័យ ខ្លាច រន្ធត់ គ្រប់សកម្មភាព ។

តែមួយភ្លាតសោះ Emmy (ឈ្មោះពិត Paula Taylor) បានផ្លាស់ប្តូរជិវិតរបស់នាង ពេលនាងមានផ្ទៃពោះបែបទំមុនស្រកៀលជាមួយមិត្តប្រុសនាង។ មិត្តប្រុស Emmy បានបោកប្រាស់នាងឱ្យយកកូនចេញ ហើយក្រោយមក Emmy ក៏ត្រូវដើរដល់ផ្លូវបំបែកជាមួយមិត្តប្រុស។ ជាអកុសល្យ Emmy ទទួលរងនូវព័ត៌មានមិនល្អពីបញ្ហាស្បូនរបស់នាង ព្រោះការយកកូនចេញ។ ទីបំផុត នាងមិនអាចមានកូនទៀតបាន។ Emmy មានអារម្មណ៍ទុក្ខព្រួយ និងខូចសតិ ព្រោះបាត់បង់កូន។ នាងរង់នៅយ៉ាងឈឺចាប់ និងខ្លោចផ្សារ រហូតថ្ងៃមួយ នាងជួបក្មេងស្រីម្នាក់ឈ្មោះថា Mobile ដែលកំព្រាម្តាយ។

Mobile (ឈ្មោះពិត VanisaNuchchanon) កំព្រាម្តាយដោយសារការឆក់ប្លន់។ តាំងពីពួកចោរលួចឆក់ ចូលលួចក្នុងហាងដ៏តូចមួយរបស់ក្មេងស្រី និងម្តាយនាង។ Mobile មិនដែលនិយាយរកអ្នកណាទេ តាំងពីពេលនោះមក។

Emmy មានអារម្មណ៍អាណិតអាសូរ Mobile ចឹងទើបEmmy យលនាងមកចិញ្ចឹមនាពេលនោះ ព្រោះអ្នកទាំងពីរសុទ្ធមានអារម្មណ៍បាត់បង់នូវមនុស្សដែលខ្លួនស្រលាញ់។ នៅពេលដែល អតីតកាលឈឺចាប់ នៅតែដើរតាម Emmy មានអីម្យ៉ាងដើរតាមMobile នោះជាខ្មោចម្តាយរបស់នាង ដែលព្រួយបារម្ភពីកូនខ្លួន។ សាច់រឿងបរិយាយពីក្តីស្រលាញ់ និងការទំនាក់ទំនងរបស់ម្តាយ ចាប់ផ្តើមដោយភាពរន្ធត់ ដែលកើតឡើងភ្លាមៗ។

ចង់ដឹងថា តើខ្សែភាពយន្តនេះ មានអត្ថន័យយ៉ាងណាជាមួយនឹងការភ័យ ខ្លាច រន្ធត់ គ្រប់សកម្មភាពនៅក្នុងរឿងនេះនោះ ? មានតែចូលរួមតាមដានទស្សនាទាំងអស់គ្នានៅរោងភាពយន្ត Legend Cinema ។

ខ្សែភាពយន្តនេះផងដែរ នឹងចាក់បញ្ចាំងចាប់ពីថ្ងៃទី 20 ខែកុម្ភ: ឆ្នាំ 2014 តទៅ នៅរោងភាពយន្ត លេជេន (Legend Cinema) ទូរស័ព្ទទំនាក់ទំនង 078 300 400 ។

អានបន្ត

កីឡាករអាមេរិក Watson ឈ្នះជើងឯកវាយកូនគោល Northern Trust Open នៅលើទឹកដីកំណើតរបស់ខ្លួន

1:47 AM ព័ត៌មានកីឡា No comments

ប្រភពមកពីកោះសន្ដិភាព

Bubba Watson បានក្លាយជាអ្នកលើកពានជើងឯកកម្មវិធី Northern Trust Open នៅ ក្រុង Los Angeles សហរដ្ឋអាមេរិក កាលពីថ្ងៃអាទិត្យទី១៦ កុម្ភៈ បន្ទាប់ពីធ្វើបានពិន្ទុ ៧អាន់ឌ័រ ៦៤បន្ថែមទៀតក្នុងជុំផ្តាច់ព្រ័ត្រ ។ កម្មវិធីប្រកួតដែលមានទឹកប្រាក់រង្វាន់សរុប ៦លាននិង៧សែនដុល្លារអាមេរិកនេះត្រូវបានរៀបចំធ្វើនៅទីលាន Riviera Country Club រដ្ឋកាលីហ្វ័រនីញ៉ា ។

Watson ឆ្លងកាត់ការប្រកួត៤ជុំធ្វើបានលទ្ធផល១៥អាន់ឌ័រ ២៦៩នាំមុខ២សត់លើកីឡាករមិត្តរួមជាតិ Dustin Johnson ។ Johnson ឆ្លងកាត់៤ជុំប្រកួតធ្វើបានលទ្ធផល១៣អាន់ឌ័រ ២៧១ ។ ចំណែកកីឡាករអាមេរិក២នាក់ផ្សេងទៀតBrian Harman និង Jason Allred បញ្ចប់ការការប្រកួតក្នុងលទ្ធផលស្មើគ្នាគឺ១២អាន់ឌ័រ ២៧២ ស្ថិតនៅចំណាត់ថ្នាក់លេខ៣ស្ទួន ។

ដោយឡែកកីឡាករអាហ្វ្រិកខាងត្បូង Charl Schwartzel បញ្ចប់ការប្រកួតធ្វើបានលទ្ធផលសរុប១១អាន់ឌ័រ ២៧២ ស្ថិតនៅចំណាត់ថ្នាក់លេខ៥ ។សម្រាប់ Watson នេះគឺជាជ័យជម្នះពានជើងឯកសមាគម US PGA Tour លើកទី៥របស់គេហើយ ។ រយៈពេលជិត២ឆ្នាំមកនេះ Watson មិនធ្លាប់បានយកឈ្នះពានជើងឯកកម្មវិធីណាមួយនោះទេ ។ ថ្លែងបន្ទាប់ពីដណ្តើមបានពានជើងឯក កីឡាករវ័យ៣៥ឆ្នាំរូបនេះបានបញ្ជាក់ថា៖«ខ្ញុំពិតជាធូរស្រាលក្នុងចិត្តយ៉ាងខ្លាំងដែលទទួលបានជ័យជម្នះជាលើកទី១រយៈពេលជិត២ឆ្នាំមកនេះ ។ ប្រសិនជាយើងចង់ឈ្នះជើងឯក យើងចាំបាច់ត្រូវតែវាយ Putting នៅថ្ងៃចុងក្រោយឱ្យបានល្អ ។ ថ្ងៃនេះខ្ញុំធ្វើបានបែបនោះហើយ» ។

ដោយឡែក ការបែងចែកប្រាក់រង្វាន់វិញ Watson ម្ចាស់ជើងឯកទទួលបាន១លាន និង២០ម៉ឺនដុល្លារអាមេរិកខណៈ Dustin Johnsonទទួលបាន ៧២ម៉ឺននិង៣ពាន់៦០០ដុល្លារ ។ កីឡាករ Allred និង Harman ដែលដណ្តើមបានចំណាត់ថ្នាក់លេខ៣ស្ទួន ទទួលបានប្រាក់រង្វាន់ក្នុងម្នាក់ៗ ៣៨ម៉ឺននិង៨.៦០០ដុល្លារអាមេរិក ៕

អានបន្ត

ប្រធានាធិបតីវេណេស៊ុយអេឡាបណ្តេញទីភ្នាក់ងារកុងស៊ុលអាមេរិក3នាក់

1:44 AM ព័ត៌មានក្រៅប្រទេស No comments

ប្រភពមកពីកោះសន្ដិភាព

ប្រធានាធិបតីវេណេស៊ុយអេឡា លោក នីកូឡាស់ មា៉ឌូរូ៉ ប្រកាសកាលពីយប់ថ្ងៃទី១៦ កុម្ភៈ ថា លោកបានចេញបញ្ជាឱ្យបណ្តេញភ្នាក់ងារកុងសុ៊លអាមេរិក៣នាក់ ដោយចោទប្រកាន់ពួកគេថា ជួបជាមួយពួកនិស្សិតតវា៉ ។ តាមវិទ្យុ និងទូរទស្សន៍ជាតិលោក មា៉ឌូរ៉ូ ថ្លែងថា ខ្ញុំបានចេញបញ្ជាដល់រដ្ឋមន្ត្រីការបរទេសឱ្យប្រកាសទីភ្នាក់ងារកុងស៊ុលអាមេរិកទាំង៣នាក់នោះថា ជាមនុស្សគ្មានបានការ ហើយបណ្តេញពួកគេចេញពីប្រទេស ។

ប្រទេសវេណេស៊ុយអេឡា ចាប់តាំងពី២សប្តាហ៍មកហើយជាទីលាននៃបាតុកម្មរបស់ពួកនិស្សិត ដែលបាតុកម្មមួយកាលពីថ្ងៃទី១២ កុម្ភៈ កន្លងមកនេះ បានបញ្ចប់ដោយមានការប៉ះទង្គិចគ្នាយា៉ងខ្លាំងបណ្តាលឱ្យមនុស្សស្លាប់៣នាក់របួសជាង៦០នាក់ ។ មុននេះរដ្ឋាភិបាលវេណេស៊ុយអេឡា បានចោទប្រកាន់សហរដ្ឋអាមេរិកថា ប៉ុនប៉ងជួយទ្រទ្រង់ដល់ការប៉ុនប៉ងបង្កអស្ថេរភាពដល់លទ្ធិប្រជាធិបតេយ្យវេណេស៊ុយអេឡា ជាការឆ្លើយតបវិញចំពោះរដ្ឋមន្ត្រីការបរទេសអាមេរិក លោក ចន គ័ររី ដែលកាលពីថ្ងៃទី១៥ កុម្ភៈ បានថ្កោលទោសអំពើហិង្សាប្រឆាំងពួកបាតុករ ។

កាលពីដំណាច់ខែកញ្ញាកន្លងមកនេះ លោក មា៉ឌូរូ ក៏ធ្លាប់ចេញបញ្ជាដែរឱ្យបណ្តេញអ្នកការទូតអាមេរិក៣នាក់ ក្នុងនោះរួមទាំងភារៈធារីស្ថានទូតសហរដ្ឋអាមេរិកលោក KELLY KEIDERLING ផង ដែលចោទប្រកាន់ថាទាក់ទងជាមួយពួកប្រឆាំង ៕

អានបន្ត

លោកឧបនាយករដ្ឋមន្រ្តី កែ គឹមយ៉ាន ចុះសំណេះសំណាលនិងពិនិត្យប្រព័ន្ឋធារាសាស្រ្តនៅស្រុកមង្គលបូរី

1:42 AM ព័ត៌មានក្នុងប្រទេស No comments

ប្រភពមកពីកោះសន្ដិភាព

ខេត្តបន្ទាយមានជ័យ៖ ឧបនាយករដ្ឋមន្រ្តី និង ជាប្រធានអាជ្ញាធរជាតិប្រយុទ្ឋប្រឆាំងគ្រឿងញៀន លោក កឺ គឹមយ៉ាន នៅរសៀលថ្ងៃទី១៧ កុម្ភៈ ២០១៤ បានអញ្ជើញចុះសំណេះសំណាលសួរសុខទុក្ខប្រជាកសិករ និងពិនិត្យមើលប្រព័ន្ឋធារាសាស្រ្ត និង ការបូមទឹកដាក់ស្រែប្រំាងចំនួន៣២០០ហិកតា នៅក្នុងឃុំចំនួន៣ ដែលខ្វះខាតទឹក ក្នុងស្រុកមង្គលបូរី ។

បើតាមភ្នាក់ងារកោះសន្តិភាពបានបញ្ជាក់ឲ្យដឹងទៀតថា អមដំណើរលោកឧបនាយករដ្ឋមន្រ្តី កែ គឹមយ៉ាន នាឱកាសនោះផងដែរ ក៏មានវត្តមានលោក គោ ស៊ុំសារឿត អភិបាលនៃគណៈអភិបាលខេត្តបន្ទាយមានជ័យ លោក អ៊ុង អឿន ប្រធានក្រុមប្រឹក្សាខេត្ត និង លោក គឹម សុវណ្ណ ប្រធានមន្ទីរសាធារណការនិងដឹកជញ្ជូនខេត្ត ព្រមទំាងមន្រ្តីជំនាញមន្ទីរធនធានទឹក និងឧតុនិយមនិងតំណាងអាជ្ញាធរដែនដីជាច្រើនរូបទៀត ៕

អានបន្ត

អ្នកទស្សនា

ម៉ោងនៅក្នុងប្រទេសកម្ពុជា

Translate

Visitor

Blogroll

អ្វីទាំអស់គឺល្អសម្រាប់ខ្ញុំ

This is default featured slide 2 title

This is default featured slide 3 title

This is default featured slide 4 title

This is default featured slide 5 title

Monday, February 17, 2014

ប្រាក់យាន់ចិនបោះជំហានមួយកម្រិតទៀតក្នុងការក្លាយជារូបិយប័ណ្ណពិភពលោក

សម្តេច ហ៊ុន សែន អញ្ជើញជាអធិបតីប្រគល់សញ្ញាបត្រ និង វិញ្ញាបនបត្រដល់សិស្សសាលាភូមិន្ទរដ្ឋបាល

រូបកាយ ក្នុងរឿង The Parallel

កីឡាករអាមេរិក Watson ឈ្នះជើងឯកវាយកូនគោល Northern Trust Open នៅលើទឹកដីកំណើតរបស់ខ្លួន

ប្រធានាធិបតីវេណេស៊ុយអេឡាបណ្តេញទីភ្នាក់ងារកុងស៊ុលអាមេរិក3នាក់

លោកឧបនាយករដ្ឋមន្រ្តី កែ គឹមយ៉ាន ចុះសំណេះសំណាលនិងពិនិត្យប្រព័ន្ឋធារាសាស្រ្តនៅស្រុកមង្គលបូរី

Blog Archive

Categories

Labels

Pages

អ្នកទស្សនា

ម៉ោងនៅក្នុងប្រទេសកម្ពុជា

Translate

Visitor

Blogroll

Monday, February 17, 2014

Social Profiles

Blog Archive

Categories

Labels

Pages