ការិយាល័យបណ្ដុំព័ត៌មាន

Monday, March 3, 2014

សម្តេច ហ៊ុន សែន អញ្ជើញជាអធិបតីបើកវេទិការាជរដ្ឋាភិបាលជាមួយផ្នែកឯកជនលើកទី១៧ នៅវិមានសន្តិភាព

រាជធានីភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់បើកវេទិការាជរដ្ឋាភិបាល-វិស័យឯកជន លើកទី១៧ ក្រោមប្រធានបទ " សហគមន៏សេដ្ឋកិច្ចអាស៊ានឆ្នាំ២០១៥ កាលានុវត្តភាព និងការប្រឈមចំពោះកម្ពុជា " ។

វេទិកានេះ ប្រព្រឹត្តធ្វើនៅព្រឹកថ្ងៃទី០៤ មីនា ២០១៤ នៅវិមានសន្តិភាព ទីស្តីការគណៈរដ្ឋមន្រ្តី ដោយមានការអញ្ជើញចូលរួមផងដែរ ពីសមាជិកសមាជិកាព្រឹទ្ឋសភា រដ្ឋសភា រាជរដ្ឋាភិបាល តំណាងក្រុមហ៊ុន អង្គទូត និង តំណាងអង្គទូតប្រទេសជាមិត្តប្រចំាកម្ពុជា ដៃគូរអភិវឌ្ឍន៏ និងតំណាងអង្គការជាតិ-អន្តរជាតិ ព្រមទំាងមន្រ្តីជំនាញពាក់ព័ន្ឋជាច្រើនរូបទៀត ៕

អានបន្ត

ផលិតកម្មសាន់ដេ ថតខារ៉ាអូខេត្រៀមចេញលក់ថ្ងៃចូលឆ្នាំ

12:19 AM សិល្ប៏, សិល្ប: No comments

ប្រភពមកពីកោះសន្តិភាព

រាជធានីភ្នំពេញ ៖ ផលិតកម្មសាន់ដេ បានប្រមូលផ្តុំតារាល្បីថ្មីចាស់ជាច្រើនដួងមកជួបជុំគ្នាថតបទចម្រៀងរាំវង់ រាំក្បាច់ កន្ទ្រឹម យ៉ាងរីករាយ កាលពីព្រឹកថ្ងៃទី២ មីនា ២០១៤ នៅបរិវេណវត្តជ្រោយអំពិល ដោយក្នុងបរិវេណនោះក៏មានឃើញមហាជនមកមើលការថតនេះជាច្រើនកុះករផងដែរ ។

តារាចូលរួមមានខេមរៈ សិរីមន្ត, ខេមរៈ ស្រីពៅ, កញ្ញាសុខ ពិសី, ឆាយ វិរៈយុទ្ធ, អ៊េនជី, មាស សាលី, សុខ រក្សា, កុល ដាវី, នាយវីតតាមីនសេ, ប៉ុមប៉ុយ, សុវណ្ណ លីនដា, កញ្ញា លីលី, គង់ វង្សយ៉ាទី, សាយ សៀរ៉ា. អង់ ឆាយទី, លោកម៉ារីអូ ដុកទ័ររីទ្ធិ, អេឡិច ហ្សូរ៉ា ជាដើម ។

តាមប្រភពពីម្ចាស់ផលិតកម្មបានឱ្យដឹងថា ឆ្នាំនេះ សាន់ដេបានផលិតចម្រៀងចូលឆ្នាំចំនួន៥វ៉ុល មានជាង៥០បទ សម្រាប់កម្សាន្តក្នុងឆ្នាំថ្មី ដោយរំពឹងថា មហាជនពិតជារីករាយ ហើយសង្ឃឹមថា បងប្អូន និងជួយគាំទ្រផលិតកម្មសាន់ដេបន្តទៀត ដើម្បីលើកទឹកចិត្តអ្នកដែលខិតខំផលិត ។

អានបន្ត

សហព័ន្ធកីឡាវាយកូនបាល់កម្ពុជាប្ដូរឈ្មោះថ្មីនិងធ្វើពិធីអបអរទិវាកីឡាវាយកូនបាល់ពិភពលោក

12:17 AM ព័ត៌មានកីឡា No comments

ប្រភពមកពីកោះសន្តិភាព

រាជធានីភ្នំពេញ ៖ សហព័ន្ធកីឡាវាយកូនបាល់កម្ពុជា កាលពីព្រឹកថ្ងៃទី២ មីនា បានធ្វើសន្និសីទកាសែតស្ដីពីការផ្លាស់ប្ដូរឈ្មោះពីសហព័ន្ធកីឡាវាយកូនបាល់កម្ពុជា (TFC) ទៅជាកីឡាវាយកូនបាល់កម្ពុជា (Tennis Cambodia) និងបង្ហាញស្លាកសញ្ញាឡូហ្គោថ្មីដែលរចនាឡើងជាមួយនឹងអត្តសញ្ញាណថ្មីក្រោមការចូលរួមពីលោកទេព រិទ្ធិវិទ្ធ អគ្គលេខាធិការសហព័ន្ធកីឡាវាយកូនបាល់កម្ពុជា កញ្ញា Hisae Arai ជនជាតិជប៉ុនជាទូតសុច្ឆន្ទៈរបស់សហព័ន្ធកីឡាវាយកូនបាល់កម្ពុជា ព្រមទំាងភ្ញៀវកិត្តិយស និងកីឡាករជាច្រើនរូបទៀត ។

លោក ទេព រិទ្ធីវិទ្ធ អគ្គលេខាធិការកីឡាវាយកូនបាល់កម្ពុជា បានថែ្លងឱ្យដឹងថា យើងគិតថាការផ្លាស់ប្តូរឈ្មោះថ្មីរបស់សហព័ន្ធនេះនឹងនាំមកនូវកម្រិតអស្ចារ្យបន្ថែមទៀតនៃថាមពល និងឥទ្ធិពលទៅលើការរឹតចំណងរបស់ប្រទេសកម្ពុជាជាមួយនឹងកីឡាវាយកូនបាល់ក្នុងរបៀបមួយដែលប្លែកពីគេ ។ លោកបានបញ្ជាក់ថា រូបភាពឡូហ្គោថ្មីបង្ហាញពីវប្បធម៌របស់ប្រទេសកម្ពុជា និងការប្តេជ្ញាចិត្តរបស់ខ្លួនចំពោះកីឡាមួយនេះ ។ លោកមានសុទិដ្ឋិនិយមថា ការផ្លាស់ប្តូរទាំងពីរនេះនឹងជំរុញដល់ភាពដែលអាចមើលឃើញរបស់យើង។

បន្ទាប់ពីបញ្ចប់សន្និសីទកាសែត សហព័ន្ធកីឡាវាយកូនបាល់កម្ពុជាបានរៀបចំពិធីអបអរសាទរទិវាកីឡាវាយកូនបាល់ពិភពលោក«World TennisDay»ផងដែរស្របពេលដែលប្រទេសជាច្រើនលើពិភពលោកបានធ្វើជាបន្តបន្ទាប់ដោយមានការចូលរួមពីឪពុកម្តាយក្មេងៗកីឡាករ-កីឡាការិនី និងអ្នកគាំទ្ររាប់រយនាក់នៅឯមជ្ឈមណ្ឌលកីឡា(CCC)ពោរពេញដោយភាពរីករាយក្នុងគោលបំណងផ្សព្វផ្សាយកីឡាវាយកូនបាល់កម្ពុជា និងអត្ថប្រយោជន៍របស់វាសម្រាប់មនុស្សគ្រប់វ័យ និងអត្តពលិកគ្រប់កម្រិត ។

កញ្ញា Hisae Arai ដែលជាទូតសុច្ឆន្ទៈរបស់សហព័ន្ធកីឡាវាយកូនបាល់កម្ពុជា និងជាអតីតបវរកញ្ញារបស់ប្រទេសជប៉ុនបានបើកកម្មវិធីជាផ្លូវការរយៈពេលប្រមាណជាបួនម៉ោងក្នុងការរក្សាការផ្សារភ្ជាប់ជាមួយនឹងគោលដៅរបស់ទិវាកីឡាវាយកូនបាល់ពិភពលោកទៅលើការផ្សព្វផ្សាយនិងការបង្កើននូវការចូលរួមក្នុងកីឡានេះ ។ សកម្មភាពមួយផ្នែកធំនឹងទាក់ទិនជាមួយនឹងក្រុមក្មេងៗទាំងកំពុងតែលេងកីឡានេះរួចជាស្រេច ឬក៏អ្នកទាំងឡាយណាដែលមានបំណងក្នុងការចាប់ផ្តើមលេង ។ កញ្ញាHisae Arai បានឱ្យដឹងថា កញ្ញាចូលរួមនៅក្នុងសកម្មភាពជាមួយសហព័ន្ធកីឡាវាយកូនបាល់កម្ពុជា ក្នុងគោលបំណងចូលរួមផ្សព្វផ្សាយវិស័យកីឡាវាយកូនបាល់ដល់ប្រជាពលរដ្ឋកម្ពុជា និងយុវវ័យកម្ពុជាឱ្យចូលចិត្តនិងស្រឡាញ់កីឡាវាយកូនបាល់ជាពិសេសគឺចង់បំផុសឱ្យប្រភេទកីឡាមួយនេះមានសកម្មភាពរីកដុះដាលកាន់តែខ្លាំងក្លានៅកម្ពុជា ។

គួរបញ្ជាក់ផងដែរថា ទីលានចំនួនបីនៅឯមជ្ឈមណ្ឌលCCCបានប្រែក្លាយជាទីលានតូចៗជាច្រើនសម្រាប់ក្មេងៗលេងកីឡានេះ ។ ក្មេងៗទាំងនោះក៏នឹងមានឱកាសមួយក្នុងការចំណាយពេលវេលានៅលើទីលានជាមួយនឹងកីឡាករនៃក្រុមជម្រើសជាតិមួយចំនួនផងដែរ ។ ក្រៅពីជំនាញកីឡាវាយកូនបាល់អ្នកចូលរួមក៏នឹងដឹងពីសារសំខាន់នៃទិដ្ឋភាពបរិស្ថាន និងបញ្ហាអាហារ និងសុខភាពផងដែរ ៕

អានបន្ត

ការនាំចេញប្រេងរបស់អុីរ៉ាក់កើនឡើង២៥ឆ្នាំគិតត្រឹមខែកុម្ភៈ

12:14 AM ព័ត៌មានក្រៅប្រទេស No comments

ប្រភពមកពីកោះសន្តិភាព

មន្ត្រីជាន់ខ្ពស់របស់អុីរ៉ាក់ បាននិយាយកាលពីថ្ងៃអាទិត្យថា ប្រទេសអុីរ៉ាក់បាននាំចេញប្រេង២,៨លានបារ៉ែលក្នុងមួយថ្ងៃ កាលពីខែកុម្ភៈ ពោលគឺជាកំណើនច្រើនបំផុតប្រចាំខែ ហើយជាតួលេខខ្ពស់បំផុតក្នុងរយៈពេលជិត២៥ឆ្នាំនេះ ។ លោក Hussein al-Shahristani ឧបនាយករដ្ឋមន្ត្រី ទទួលបន្ទុកកិច្ចការថាមពល បានថ្លែងប្រាប់អ្នកកាសែតនៅទីក្រុងកំពង់ផែបាស្រា ថា ផលិតកម្មប្រេងបានឈានដល់៣,៥លានបារ៉ែលក្នុងមួយថ្ងៃ កាលពីខែកុម្ភៈ ហើយយើងបាននាំចេញប្រេង២,៨លានបារ៉ែល ក្នុងមួយ ថ្ងៃ ។

តួលេខនាំចេញគឺ ខ្ពស់បំផុតចាប់តាំងពីអតីតជនផ្តាច់ការ សាដាម ហ៊ូសេន លុកលុុយប្រទេសកូវែត កាលពីឆ្នាំង១៩៩០ បង្កឱ្យមានការហ៊ុំព័ទ្ធ និងមានទណ្ឌកម្មអន្តរជាតិដែលបានដាក់កំហិតយ៉ាងខ្លាំងក្លា មកលើឧស្សាហកម្មថាមពលរបស់អុីរ៉ាក់ ។
កាលពីឆ្នាំ២០១២ នៅពេលដែលការនាំចេញប្រចាំថ្ងៃជាមធ្យមឈានដល់២,៥លានបារ៉ែលក្នុងមួយថ្ងៃ ក្រសួងប្រេងនិយាយថា វាជាតួលេខខ្ពស់បំផុតចាប់តាំងពីឆ្នាំ១៩៨៩ ។

ប្រេងឆៅរបស់អុីរ៉ាក់ភាគច្រើនត្រូវបាននាំចេញតាមកំពង់ផែសមុទ្រភាគខាងត្បូងជិតទីក្រុងបាស្រា ប៉ុន្តែផ្នែកសំខាន់គឺកាត់តាមបំពង់បង្ហូរប្រេងភាគខាងជើង ដែលតែងតែត្រូវបានដាក់គ្រាប់បែកបំផ្ទុះដោយពួកសកម្មប្រយុទ្ធ ។ អុីរ៉ាក់ជាប្រទេសពឹងផ្អែកទាំងស្រុងលើការនាំចេញប្រេង ហើយរដ្ឋាភិបាលកំពុងស្វះស្វែងបង្កើនការលក់ ដើម្បីផ្តល់មូលនិធិដល់ការស្ថាបនាហេដ្ឋារចនាសម្ព័ន្ធដែលរងការខូចខាតរបស់ខ្លួន ។មន្ត្រីប្រទេសអុីរ៉ាក់មានបំណងបង្កើនសមត្ថភាពផលិតឱ្យបានដល់៩លានបារ៉ែលក្នុងមួយថ្ងៃនាឆ្នាំ២០១៧ ជាគោលដៅដែលទីភ្នាក់ងារថាមពលរអន្តរជាតិ និងមូលនិធិរូបិយវត្ថុអន្តរជាតិ បានព្រមានថា មានសុទិដ្ឋិនិយមជ្រុល ៕

អានបន្ត

ពិធីបញ្ចុះបឋមសិលាបណ្ណាល័យសម្តេចតេជោ ហ៊ុន សែន សំរោងលើ

12:12 AM ព័ត៌មានក្នុងប្រទេស No comments

ប្រភពមកពីកោះសន្តិភាព

ខេត្តកណ្តាល ៖ បណ្ណាល័យសម្តេចតេជោ ហ៊ុន សែន សំរោងលើមួយខ្នង ដែលស្ថិតក្នុងទីស្នាក់ការគណបក្សប្រជាជនកម្ពុជា ឃុំសំរោងលើ ស្រុកអង្គស្នួល ត្រូវបានរៀបចំពិធីបញ្ចុះបឋមសិលា កាលពីព្រឹកថ្ងៃទី៣ មីនា ២០១៤ ក្រោមការអញ្ជើញចូលរួមពីលោកឌួង ឆាយ និងលោកស្រី ដែលជាតំណាងឱ្យលោកឧញ៉ា ឌួង ងៀប ប្រធានគណៈអចិន្ត្រៃយ៍ក្រុមការងារគណៈពង្រឹងមូលដ្ឋានឃុំសំរោងលើ និងលោកជំទាវ ដែលត្រូវជាមាតាបិតា លោកវណ្ណា រ័ត្ន អនុប្រធានក្រុមការងារគណៈពង្រឹងមូលដ្ឋានឃុំសំរោងលើ និងមានការចូលរួមពីក្រុមការងារគ្រប់ថ្នាក់ ព្រមទាំងប្រជាពលរដ្ឋ សិស្សានុសិស្សប្រមាណជា៣០០នាក់ ។

លោកវណ្ណា រ័ត្ន អនុប្រធានក្រុមការងារគណៈពង្រឹងមូលដ្ឋានឃុំសំរោងលើបានមានប្រសាសន៍ថា អគារបណ្ណាល័យដ៏ស្រស់ស្អាតគឺមានគម្រោងសាងសង់ឡើងដែលមានបណ្តោយប្រវែង១១.៨ម៉ែត្រ ទទឹង៨.៨ម៉ែត្រ ដំបូលប្រក់ស័ង្កសីស្រការនាគ ជញ្ជាំងឥដ្ឋ បង្អួចកញ្ចក់ ទ្វារកញ្ចក់ ហើយសាងសង់ក្នុងកម្ពស់ពីដី៦,៩៣ម៉ែត្រ មានខឿនកម្ពស់០,៤៥ម៉ែត្រ ជណ្តើរឡើងបីកន្លែង មានបង្កាន់ដៃនិងតុជាប់បង្កាន់ដៃ ដែលធ្វើអំពីថ្មម៉ាប និងមានបន្ទប់អនាម័យនៅខាងក្រោយអគារចំនួន២បន្ទប់ថែមទៀត

ក្នុងឱកាសនោះ លោកឌួង ឆាយ បានមានប្រសាសន៍ថា នៅថ្ងៃខាងមុននេះ មិនយូរប៉ុន្មាន ក្រោយការបញ្ចុះបឋមសិលាសាងសង់អាគារបណ្ណាល័យនេះរួច កិច្ចដំណើរការសាងសង់នឹងត្រូវចាប់ផ្តើមដោយចំណាយថវិកាសាងសង់ និងសម្ភារប្រមាណជាង២ម៉ឺនដុល្លារអាមេរិក ហើយបណ្ណាល័យនេះនឹងបម្រើជូន និងបង្កើននូវចំណេះវិជ្ជាដល់សិស្សានុសិស្ស និងប្រជាពលរដ្ឋក្នុងភូមិ-ឃុំសំរោងលើជាក់ជាមិនខាន និងជាក្តីសង្ឃឹមរបស់ថ្នាក់ដឹកនាំសម្រាប់ថ្ងៃអនាគត ។ ជាមួយគ្នានេះ លោកឌួង ឆាយ បានបញ្ជាក់ថា អគារបណ្ណាល័យនេះមិនមានប្រកាន់និន្នាការនយោបាយគណបក្សណានោះទេ ម្នាក់ៗអាចចូលរកឯកសារមកសិក្សាដោយសេរី ហើយទីណាមានគណបក្សប្រជាជនកម្ពុជា ទីនោះមានការអភិវឌ្ឍន៍ ។

អានបន្ត

Tuesday, February 25, 2014

ផលិតកម្មថោនប្រមូលតារាល្បីៗថតចម្រៀងខារ៉ាអូខេត្រៀមអបអរថ្ងៃចូលឆ្នាំថ្មី

6:36 PM សិល្ប៏, សិល្ប: No comments

ប្រភពមកពីកោះសន្តិភាព

រាជធានីភ្នំពេញ ៖ កាលពីថ្ងៃទី២៥ កុម្ភៈ ២០១៤ ផលិតកម្មថោនដែលជាផលិតកម្មល្បីឈ្មោះនៅក្នុងស្រុកបានរៀបចំថតចម្រៀងខារ៉ាអូខេក្នុងទ្រង់ទ្រាយធំមួយនៅក្នុងទីតាំងរមណីយដ្ឋានទន្លេបាទី និងនៅមុខប្រាសាទតាព្រហ្ម ដែលប្រមូលផ្តុំទៅដោយតារាសម្តែង តារាចម្រៀង និងកំប្លែងជាច្រើនដួងរំលេចដោយឈុតសម្លៀកបំពាក់ប្រពៃណីខ្មែរមើលទៅគួរឱ្យទាក់ទាញ និងប្លែកជាងមុន។

នាឱកាសនោះគេឃើញវត្តមានតារាល្បីៗដូចជា អ្នកនាង មាស សុខសោភា, លោកករុណា ពេជ្រ, អេនីហ្សាម, លី អ៊ីវ៉ាធីណា, សុគន្ធ នីសា, សុខ រក្សា, សុគន្ធ ថេរ៉ាយុ, អ៊ឹង និមល, ឌួង ហ្សូរីម៉ា, អាលីហ្សា, ឆៃលីដាឡែន, ស្រីពេជ្រ, ប៉េងប៉ោង, នាយវីតតាមីនសេ, នាយផ្លយ, ឆ័យ, ផាន់ ស្រីរ័ត្ន, គង់ វង្សយ៉ាទី, តូតា, រតនៈ ពិសិដ្ឋ, សុធា ពិសិដ្ឋ, គង់ វិច្ឆិកា, សុវណ្ណ លីនដា, មាច ស្រីខួច, ឃឹម ចរិយា, កុល ដាវី, ឡោម លក្ខិណា, ញឹម ចាន់ថន និងកញ្ញា សាន សុម៉ាលី ជាដើម។

ការថតចម្រៀងខារ៉ាអូខេរបស់ផលិតកម្មថោនឆ្នាំនេះធ្វើឡើងក្នុងគោលបំណងបង្ហាញនូវបទចម្រៀងរាំវង់ រាំក្បាច់ កន្ទ្រឹម ឡាំលាវ ដើម្បីអបអរសាទរបុណ្យចូលឆ្នាំប្រពៃណីជាតិខ្មែរដែលជិតនឹងឈានមកដល់នាពេលខាងមុខនេះ។

អានបន្ត

ហ្វេដឺរ័រ ឈ្នះជុំបើកឆាក Dubai Tennis Championships

6:33 PM ព័ត៌មានកីឡា No comments

ប្រភពមកពីកោះសន្តិភាព

យុទ្ធនាការដណ្តើមយកពានព្រឹត្តិការណ៍ប្រកួតវាយកូនបាល់ Dubai Tennis Championships នៅប្រទេសអេមីរ៉ាតអារ៉ាប់រួមជាលើកទី៦ របស់កីឡាករស្វ៊ីសរ៉ូជើ ហ្វេដឺរ័រ សម្រេចបានមួយជំហានហើយ ខណៈកាលពីថ្ងៃចន្ទ ទី២៤ កុម្ភៈ គេបានឆ្លងផុតជុំទី១ដោយ ជោគជ័យជាមួយលទ្ធផល៦-១ និង៦-៤ លើកីឡាករអាល្លឺម៉ង់ Benjamin Becker ។

នៅក្នុងការជួបគ្នាចំនួន៤លើកជាមួយកីឡាករលំដាប់ទី៩៣ ពិភពលោករូបនេះ ហ្វេដឺរ័រ មិនធ្លាប់បរាជ័យសូម្បីមួយសិតឡើយ ។ ម្ចាស់ពានក្របខ័ណ្ឌធំ១៧លើករូបនេះបានថ្លែងថា ៖«ខ្ញុំពេញចិត្តខ្លាំងណាស់ចំពោះលទ្ធផលប្រកួតនៅថ្ងៃនេះ ។ បានចេញមកប្រកួតក្នុងភាពសេរីដូចជាថ្ងៃនេះ គឺពិតជាធ្វើឱ្យអារម្មណ៍របស់ខ្ញុំស្រស់ថ្លាខ្លាំងណាស់»។ នៅជុំបន្ទាប់គេនឹងជួបជាមួយកីឡាករជើងខ្លាំងរបស់ស៊ែប៊ីណូវ៉ាក់ យ៉ូកូវិច ។ សូមបញ្ជាក់ថា ហ្វេដឺរ័រ និងយ៉ូកូវិច ធ្លាប់បានយកឈ្នះពានជើងឯកនៅទីនេះចំនួន៩លើករួចមកហើយ ក្នុងនោះហ្វេដឺរ័រឈ្នះ៥លើកក្នុងឆ្នាំ២០០៣, ២០០៤ ២០០៥, ២០០៧ និង២០១២ ខណៈយ៉ូកូវិចឈ្នះ៤លើក ។ ចំណែកណាដាល់ឈ្នះមួយលើកក្នុងឆ្នាំ២០០៦ និងអ៊ែនឌី មូរ៉េ ក៏ធ្លាប់ឈ្នះមួយលើកដែរនាឆ្នាំ២០០៨ ។

ដោយឡែក លទ្ធផលគូផ្សេងទៀតគឺ កីឡាករអាល្លឺម៉ង់ Philipp Kohlschreiber យកឈ្នះកីឡាករហូឡង់ Thiemo De Bakker ក្នុងលទ្ធផល៦-៣ និង៦-៣ ខណៈកីឡាកររុស្ស៊ី Dmitry Tursunov បានបំបាក់កីឡាករស្លូវ៉ាគី Lukas Lacko ក្នុងលទ្ធផល៧-៥ និង៦-១ ។

ឯកីឡាករអុីតាលី Andreas Seppi ក៏បានឡើងទៅជុំបន្តផងដែរបន្ទាប់ពីបានយកឈ្នះគូប្រកួតសញ្ជាតិអាល្លឺម៉ង់ Florian Mayer ក្នុងលទ្ធផល៤-៦, ៦-១ និង៧-៥ ។ គេបានថ្លែងថា ៖ «អ្វីដែលខ្ញុំត្រូវធ្វើគឺរក្សាការប្រកួតមិនដាក់ដៃ ។ នៅឆ្នាំនេះ ខ្ញុំហាក់គ្មានឱកាសចេញប្រកួតច្រើនលើកច្រើនសានោះទេ»។ គួរកត់សម្គាល់ថា នេះគឺជាជ័យជម្នះក្នុងរដូវកាលថ្មីលើកទី២ ហើយសម្រាប់កីឡាករ Seppi ។ ជ័យជម្នះលើកទី១ របស់គេកើតមាននៅជុំទី១ ក្របខ័ណ្ឌធំ Australian Open ដែលកាលនោះគេឈ្នះកីឡាករម្ចាស់ផ្ទះឡីតុន ហេវីត ៕

អានបន្ត

អ្នកទស្សនា

ម៉ោងនៅក្នុងប្រទេសកម្ពុជា

Translate

Visitor

Blogroll

អ្វីទាំអស់គឺល្អសម្រាប់ខ្ញុំ

This is default featured slide 2 title

This is default featured slide 3 title

This is default featured slide 4 title

This is default featured slide 5 title

Monday, March 3, 2014

សម្តេច ហ៊ុន សែន អញ្ជើញជាអធិបតីបើកវេទិការាជរដ្ឋាភិបាលជាមួយផ្នែកឯកជនលើកទី១៧ នៅវិមានសន្តិភាព

ផលិតកម្មសាន់ដេ ថតខារ៉ាអូខេត្រៀមចេញលក់ថ្ងៃចូលឆ្នាំ

សហព័ន្ធកីឡាវាយកូនបាល់កម្ពុជាប្ដូរឈ្មោះថ្មីនិងធ្វើពិធីអបអរទិវាកីឡាវាយកូនបាល់ពិភពលោក

ការនាំចេញប្រេងរបស់អុីរ៉ាក់កើនឡើង២៥ឆ្នាំគិតត្រឹមខែកុម្ភៈ

ពិធីបញ្ចុះបឋមសិលាបណ្ណាល័យសម្តេចតេជោ ហ៊ុន សែន សំរោងលើ

Tuesday, February 25, 2014

ផលិតកម្មថោនប្រមូលតារាល្បីៗថតចម្រៀងខារ៉ាអូខេត្រៀមអបអរថ្ងៃចូលឆ្នាំថ្មី

ហ្វេដឺរ័រ ឈ្នះជុំបើកឆាក Dubai Tennis Championships

Blog Archive

Categories

Labels

Pages

អ្នកទស្សនា

ម៉ោងនៅក្នុងប្រទេសកម្ពុជា

Translate

Visitor

Blogroll

Monday, March 3, 2014

Tuesday, February 25, 2014

Social Profiles

Blog Archive

Categories

Labels

Pages