ប្រភពមកពីកោះសន្ដិភាព
រាជធានីភ្នំពេញ ៖ នៅរសៀលថ្ងៃទី៤ មករា ឆ្នាំ២០១៤ នេះការប្រកួតបាល់ទាត់ដណ្ដើមពានរង្វាន់Soccer League លើកទី២ ឆ្នាំ២០១៣ ឈានចូលដល់វគ្គផ្ដាច់ព្រ័ត្រហើយ ។ នៅវគ្គនេះក្រុមកីឡាបាល់ទាត់សហភាពសហព័ន្ធយុវជនកម្ពុជាខេត្តព្រៃវែង ត្រូវប្រកួតជាមួយក្រុមកីឡាបាល់ទាត់យុវជនបៃតងនៃក្រសួងបរិស្ថានដណ្ដើម
ជើងឯកនៅពហុកីឡដ្ឋានជាតិបន្ទាប់ពីក្រុមជើងខ្លាំងមួយនេះបានបំបាក់ក្រុមគ្រូពេទ្យស្ម័គ្រចិត្តសម្ដេចតេជោក្នុងលទ្ធផល៦ទល់១នៅវគ្គពាក់កណ្ដាលផ្ដាច់ព្រ័ត្រ កាលពីរសៀលថ្ងៃទី២ ខែមករា ឆ្នាំ២០១៤ កន្លងទៅនេះ ។
ជើងឯកនៅពហុកីឡដ្ឋានជាតិបន្ទាប់ពីក្រុមជើងខ្លាំងមួយនេះបានបំបាក់ក្រុមគ្រូពេទ្យស្ម័គ្រចិត្តសម្ដេចតេជោក្នុងលទ្ធផល៦ទល់១នៅវគ្គពាក់កណ្ដាលផ្ដាច់ព្រ័ត្រ កាលពីរសៀលថ្ងៃទី២ ខែមករា ឆ្នាំ២០១៤ កន្លងទៅនេះ ។
ការដណ្ដើមជ័យជម្នះរបស់ក្រុមសហភាពសហព័ន្ធយុវជនកម្ពុជាខេត្តព្រៃវែងលើក្រុមគ្រូពេទ្យស្ម័គ្រចិត្តសម្ដេចតេជោនេះ គ្រាប់បាល់ដំបូងធ្វើបានសម្រេចដោយកីឡាករទៀង ទីនេ ពាក់អាវលេខ៤ នៅនាទីទី១១ ,គ្រាប់បាល់ទី២រកបានដោយកីឡាករលន់ ចំរើន ពាក់អាវលេខ៧ នៅនាទីទី៣៣ ។ ចំណែកកីឡាករប៊ុត សុទ្ធី ពាក់អាវលេខ២៣ រកបានគ្រាប់បាល់ឱ្យក្រុមរបស់ខ្លួនចំនួនពីរគ្រាប់តែម្នាក់ឯងគឺនៅនាទីទី៥៣ និង៦២ ។ គ្រាប់បាល់ទី៥រកបានដោយកីឡាករអ៊ុង កងយ៉ានិត ពាក់អាវលេខ១៦ នៅនាទីទី៧៩ ជាគ្រាប់បាល់ប៉េណាល់ទី និងគ្រាប់បាល់ទី៦រកបានដោយកីឡាករទេព សុវណ្ណពិសិដ្ឋ ពាក់អាវលេខ១១ នៅនាទីទី៨១ ។ ចំណែកក្រុមគ្រូពេទ្យស្ម័គ្រចិត្តសម្ដេចតេជោលេង៩០នាទីមានឱកាសរកបានតែ១គ្រាប់ប៉ុណ្ណោះដែលជាគ្រាប់បាល់ប៉េណាល់ទីរបស់កីឡាករវ៉ែន វិចិត្រ ពាក់អាវលេខ១៩ នៅនាទីទី១៦ ។ ចប់ការប្រកួតក្រុមសហភាពសហព័ន្ធយុវជនកម្ពុជាខេត្តព្រៃវែងឈ្នះក្រុមគ្រូពេទ្យស្ម័គ្រចិត្តសម្ដេចតេជោក្នុងលទ្ធផល៦ទល់នឹង១ ។
គួររំលឹកផងដែរថា ក្រុមសហភាពសហព័ន្ធយុវជនកម្ពុជាខេត្តព្រៃវែងលេងបាន៦ប្រកួតឈ្នះ៥ប្រកួតស្មើ១ប្រកួត ចំណែកក្រុមគ្រូពេទ្យស្ម័គ្រចិត្តសម្ដេចតេជោលេង៦ប្រកួតឈ្នះ៥ប្រកួតចាញ់១ប្រកួត ។ ក្នុងព្រឹត្តិការណ៍នេះកីឡាករប៊ុត រិទ្ធី របស់ក្រុមសហភាពសហព័ន្ធយុវជនកម្ពុជាខេត្តព្រៃវែង មានភាពលេចធ្លោជាងគេនៅក្នុងក្រុមដោយតាំងពីចាប់ផ្ដើមលេងមកគេបានបំបែកកំណត់ត្រាជាកីឡាករដែលទាត់បាល់បញ្ចូលទីបានច្រើនជាងគេគឺមានចំនួន១៥គ្រាប់ ។ ចំណែកកីឡាករវ៉ែន វិចិត្រ របស់ក្រុមគ្រូពេទ្យស្ម័គ្រចិត្តសម្ដេចតេជោក៏មិនធម្មតាដែរដោយទាត់បាល់បញ្ចូលទីបានចំនួន១៣គ្រាប់ដែរ ប៉ុន្តែក្រុមនេះនៅតែមិនមានសំណាងឡើងទៅប្រជែងយកចំណាត់ថ្នាក់លេខ១ លេខ២នោះទេ ។ ពេលដែលក្រុមរបស់ខ្លួនមានឱកាសឡើងទៅប្រកួតនៅវគ្គផ្ដាច់ព្រ័ត្រលោក ហែម ដារិទ្ធិ ប្រធានដឹកនាំក្រុម និងជាអនុប្រធានសហភាពសហព័ន្ធយុវជនកម្ពុជាខេត្តព្រៃវែងបានឱ្យដឹងក្រោយចប់ការប្រកួតថា ការប្រកួតកន្លងមកគឺមានសភាពស្វិតស្វាញយ៉ាងខ្លាំងទម្រាំតែយើងបានឡើងមកដល់វគ្គពាក់កណ្ដាលផ្ដាច់ព្រ័ត្រនេះ ហើយជ័យជម្នះដែលយើងទទួលបានក្នុងថ្ងៃនេះគឺដោយសារក្នុងក្រុមចេះសហការគ្នានិងលេងមានភាពសីុសង្វាក់គ្នាបានល្អ ។ លោកបន្តថា សម្រាប់ថ្ងៃប្រកួតផ្ដាច់ព្រ័ត្រយើងជួបប្រកួតជាមួយក្រុមយុវជនបៃតងដែលជាក្រុមខ្លាំង តែយើងប្ដេជ្ញាថានឹងខិតខំដណ្ដើមយកចំណាត់ថ្នាក់លេខ១ឱ្យខាងតែបាន ដើម្បីជាមោទនភាពរបស់ប្រជាជនកម្ពុជាក្នុងខេត្តព្រៃវែងទាំងមូល ។
សូមបញ្ជាក់ផងដែរថា ថ្ងៃទី៣ មករា ក្រុមគ្រូពេទ្យស្ម័គ្រចិត្តសម្ដេចតេជោត្រូវប្រកួតជាមួយក្រុមយុវជនក១២ ដណ្ដើមយកចំណាត់ថ្នាក់លេខ៣ ដូច្នេះសូមរង់ចាំទស្សនាទាំងអស់គ្នាថាតើក្រុមមួយណាអាចគ្រងតំណែងជាជើងឯកSoccer League លើកទី២ប្រចាំរដូវកាលឆ្នាំ២០១៣បាន ?
0 comments:
Post a Comment